319 milioi euro zor dituzten 86 subjektuk osatzen dute Gipuzkoan Ogasunarekin zor handiak dituztenen zerrenda
Gipuzkoako Ogasunak gaur plazaratu du bere zordun handien zortzigarren zerrenda, 86 subjektu eta 319 milioi euroko zorra jasotzen dituen erregistroa. Iazko zerrendarekiko berritasun nagusia bertan sartzeko muga murriztea da, 1.000.000 eurotik 600.000 eurora igaro baita. Beraz, guztira 45,5 milioi euroko zorra duten 50 zergadun berri sartu dira zerrendan, eta 13,4 milioi euro zor zituzten 7 atera dira bertatik.
Zerrenda Gipuzkoako Foru Aldundiaren egoitza elektronikoan kontsultatu daiteke, hemen. Izen horiek foru erakundearen iruzurraren aurkako estrategiaren testuinguruan plazaratu ditu Aldundiak, eta gaizki ikusita dauden jokaerak publiko eginez gizartearen gaitzespena lortzea du xede. Hau da, Ogasunak "pedagogia egitea" du helburu, eta, hala, zerga iruzurraren aldeko jarrerak eragoztea.
Gaur argitaratu den zerrendak 2022ko abenduaren 31n Ogasunari 600.000 euro baino gehiago zor diotenen identifikazioak jaso ditu, borondatezko epean daudenak eta geroratuta, zatikatuta edo etenda daudenak salbu. Araudiaren arabera, datorren urtean berrituko da zerrenda, eta erreferentzia eguna aurtengo abenduaren 31 izango da. Egun horretatik aurrera abiatu edo burututako ekintzek ez dute eraginik izango zerrenda argitaratzeko orduan.
Zerrendan sartzeko proposamena zordunari jakinarazten zaio, eta horrek 10 egun izaten ditu alegazioak aurkezteko. Epe horren ostean, informazioa publiko egiteko akordioa ematen da. Datuak euskarri elektronikoetan argitaratzen dira eta hiru hilabetez egoten dira ikusgai. Gainera, beharrezko neurriak hartzen dira Interneteko bilatzaileak informazio horretara hel ez daitezen.
Albiste gehiago ekonomia
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.