Sei hilabeteko espetxe-zigorra ezarri diote Tubacex enpresako langile bati
Tubacexeko langile bati sei hilabeteko kartzela-zigorra ezarri diote autoritate-agenteen aurkako erresistentziagatik. Langilea, hala ere, absolbitu egin dute agintaritzaren aurkako atentatu-delituagatik. Fiskaltzak 21 hilabeteko espetxe-zigorra eskatzen zuen langilearentzat.
2021ean enpresako langileek egin zuten greba mugagabearen testuinguruan atxilotu zuten behargina, eta ekainaren 15ean epaitu zuten. Orain epaitegiak ebatzi du atxiloketari aurre egiteagatik zigortu dute. Absolbitu egin dute, berriz, agintaritzaren aurkako atentatuagatik.
Gauzak horrela, ohar baten bidez ELAk iragarri du helegitea aurkeztuko duela, sindikatuaren arabera, "egiaztatuta" geratu baita ez zela inolako atentaturik izan agintaritzaren aurka. Hala, ELAk uste du langile hori absolbitu egin behar dela, eta ez dator bat epaiarekin.
Sindikatutik adierazi dutenez epaiketan zehar "ertzainek gertatutakoaren eta atxilotuari egindako akusazioen inguruan zituzten kontraesanak nabarmenak" izan ziren. ELAk azpimarratu du, era berean, beharginen aurkako prozesu judizial horiek, eta "langileen borroka kriminalizatzeko saiakerak, bertan behera utzi behar direla".
Kontuak kontu, sindikatuak gogorarazi du datozen hilabeteetan epaiketa gehiago egingo direla greba egin zuten Tubacexeko langileen aurka, zehazki, sei langileren aurka.
Albiste gehiago ekonomia
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".
Hasi dira Avanza Gipuzkoa autobus konpainiako langileek antolatutako grebak
Asteburu honetan hasi dira lehen greba egunak, eta hurrengo asteburuetan ere luzatuko da.
Goia: ''Badirudi tasa turistikoa ezartzearen atarian gaudela''
Donostiako alkateak esan du horixe nahi izan dutela "beti", "turismoak sortzen duen aberastasunaz hiria ere aprobetxatzeko".
Emakumeen laneratzea, EAEko gizarteak azken 40 urteetan bizi izan duen aldaketa nagusienetako bat
1985. urtean, enplegu bat zeukaten pertsona guztien artean % 28 soilik ziren emakumeak. Gaur egun, ia erdiak dira (% 48). Etxetik kanpora lan egiten duten emakumeen ehunekoari begiratuta, aldeak oso handiak dira: % 31 80ko hamarkadan eta % 72 orain.