Guztira 20 urte baino gehiagoko espetxe zigorrak eskatu ditu Fiskaltzak Tubacexeko protestengatik
Tubacexeko grebaren ondoriozko zazpi auzipetuen kontrako epaiketa gehienek data badutela azaldu dute gaur enpresako langileek. Zehazki, lehenengoa datorren ostegunean izango da, ekainaren 15ean, 10:15ean, Gasteizen; hurrengoetarako, aldiz, irailean jarri dituzte datak. Hala, elkarretaratzea deitu dute lehenengo epaiketaren egunerako, ostegunerako, 09:30ean Gasteizko epaitegiaren aurrean.
Datorren asteko prozesuan, langileek zehaztu dute beharginetako batek aurre egin beharko diola 21 hilabeteko kartzela zigor eskaerari, 2021eko otsailaren 23an lantegiaren sarreran izandako protesten ondorioz. Horretan, gainera, prentsaurrekoan gogoratu dute euren kide horrek "betirako lesioa" duela besoan Ertzaintzak hura atxilotzeko momentuaren ondorioz. Azpimarratu dute egun horretan ertzainen jarduera "oso bortitza" izan zela, eta salatu dute "bereziki" bortizki jardun zutela langile hori atxilotzeko, arratsaldean, "nahiz eta tentsio-une gehienak goizerako amaituta zeuden".
Ildo horretan, deitoratu dute Ertzaintzaren jarduteko modua, egunotako ertzainen eta Tubacexeko langileen protesten kontra egindako esku-hartzeak eta erabilitako indarkeria nabarmen ezberdinak izan direlako.
Iraileko auzien kasuan, Aiaraldeko beste enpresetako langileak epaituko dituzte, eta horien kontra Fiskaltzak lau urte eta zazpi hilabeteko espetxe zigor bana eskatzen duela iragarri dute. Halaber, epaiketa horiei guztiei Tubacexeko beste bi langileena gehitu behar zaie, "oraindik dataren zain daudenak".
Guztira, eskaera guztiak batuta, 20 urte baino gehiagoko espetxe zigorrak eskatu ditu Fiskaltzak. Hala ere, prentsaurrekoan batutakoek gogoratu dute Tubacexeko grebari lotutako lehenengo epaiketan, iaz izandakoa, langile akusatua absolbitu egin zuela epaileak, baita "Ertzaintzaren gezurrak agerian utzi" ere.
Eskaerei lotuta, Tubacexeko langileek azpimarratu dute deigarria dela Fiskaltzak egindako eskaeren arteko aldea enpresako langileak direnen eta ez direnean. Azken horiei lotuta, deitoratu dute gehiegizko zigorrak direla, eta salatu dute Ertzaintzak behin eta berriro egindako ahaleginen parte direla, "protestetan gertatutako istiluak grebarekin zerikusirik ez zuten herritarrek sortu zituztela irudikatzeko asmoz". Ildo horretan, grebarekin elkartasuna adierazi zutenek pairatutako "polizia muntaia eta kriminalizazioa" salatu dute.
Espetxe zigor eskaerez gainera, "errepresio ikusezina" ere egon dela azaldu dute gaur prentsaurrekoan batutakoek, Mozal Legearen bidez bideratutako isun ekonomikoak mahai-gaineratuta: "Laudioko Udaltzaingoak 3.000 euroko bi isun jarri zituen, eta Ertzaintzak beste hainbat mila eurotako zigorrak tramitatu zituen".
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.