Lehiaren Euskal Agintaritzak espedientea ireki du eskola-garraioko 76 enpresaren aurka
Lehiaren Euskal Agintaritzak (LEA) espedientea ireki du EAEko 76 eskola garraioko enpresaren aurka (Bizkaiko 45, Arabako 25 eta Gipuzkoako 6), 2023-2024 ikasturtean eskola publikoko ikasleei zerbitzua emateko Eusko Jaurlaritzak deitu dituen esleipenetan ez aurkezteko akordioa egin dutela pentsatzeko "zantzuak" daudelakoan.
Ostegunean agerian geratu zen Eusko Jaurlaritzaren eta eskola garraioko sektorearen arteko gatazka, ikasturtearen lehenengo egunean, ikasleak eskola eramaten zituzten 30 bat konpainiak Jaurlaritzaren aginduari muzin egin eta zerbitzurik ez ematea erabaki zutenean.
Ondorioz, atzo 7.400 ikasle inguru, landa eremukoak gehienak, eskolara joateko aukerarik gabe geratu ziren, Jokin Bildarratz Hezkuntza sailburuak jakitera eman duenez.
Horren aurrean, sailburuak adierazi zuen garraiolarien jokabidea, bereziki Bizkaian eta Araban, "susmagarria" zela, eta ziurrenik "legez kanpokoa". Horregatik, informazioa Lehiaren Euskal Agintaritzaren eta Fiskaltzaren esku utziko zuela iragarri zuen, "delitu zantzuak" atzematen zituelako.
Orain, informazioa lehen kolpean aztertuta, Lehiaren Euskal Agintaritzak zigor espedientea ireki du enpresa horien aurka, "Eusko Jaurlaritzaren Hezkuntza Sailak 2023-2024 ikasturtekorako antolatu dituen esleipenetan ez parte hartzeko akordioa egin dutelakoan".
Bildarratzek familientzako dirulaguntzak iragarri ditu eskola-garraioa eteteak sortutako gastuengatik
Erakundearen arabera, espediente hau irekitzeak ez du ikerketaren azken emaitza aurrez epaitzen. "Prozedura hastea eragin duten arrazoizko zantzuak eta zehazten den kalifikazioa behin-behinekoak dira" azpimarratu du, eta gehitu orain 24 hilabeteko epea hasiko dela izapidetzeko eta ebazteko.
Hurrengo astelehenari begira, Eusko Jaurlaritzak ikasleak eskolara eramateko konpromisoa hartu du, garraiolariek zerbitzua emateari uko egiten dioten arren.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.