Lau langile hil dira azken hiru urteotan Arabako upategietan "ardoaren bafada" arnastuta
Lau dira azken hiru urteotan Arabako upategietan "ardoaren bafada" arnastuta hil diren langileak. Atzo Lantziegon izandako bi heriotzei, 2020an Lapuebla de Labarcako upategi batean oso antzeko egoera batean izandako beste bi gehitu behar zaizkie. Orduko hartan ere, bi langile hil ziren karbono dioxidoa arnastuta.
Mahatsen hartzidura prozesuan sortzen den CO2 gasari esaten zaio "ardoaren bafada". Ez da ikusten eta ez da usaintzen, eta, beraz, oso zaila da pertsonek gas hori atzematea. Kopuru txikietan ez da arriskutsua, baina gas horren pilaketa handia bada, hilgarria izan daiteke. Mahatsaren hartzidura prozesuan modu naturalean sortzen da CO2a, dolarean dagoen muztioaren azukrea alkohol bihurtzen den bitartean.
Aireztatzea ona ez bada, upategian gasa azkar zabaltzen da eta berehala utz dezake konorterik gabe pertsona bat, heriotza eraginez. Garai batean, tximinia moduko batzuk erabiltzen ziren gasa kanporatzeko. Horrez gain, ardogileek kandelak edota txiskeroak ere erabiltzen zituzten upategietan CO2a atzemateko. Gailu horien sua itzaliz gero, oxigenoa falta zen seinalea zen.
Gaur egun, teknologia berriei esker, gas toxikoa atzemateko sentsore bereziak dituzte upategiek eta aireztapen berezia izaten dute.
LAB sindikatuak gogor gaitzetsi ditu heriotza hauek guztiak, eta Eusko Jaurlaritzari zein Arabako Aldundiari neurriak hartzeko eskatu die.
Ohar bidez, zentral abertzaleak azaldu du gas toxikoek eragiten dituzten arriskuen aurrean ezarri beharreko prebentzio neurriak betearazi behar dituztela erakundeek.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.