UGTk eta CCOOk Iberiako 'handling'-eko grebari eutsiko diote, urtarrilaren 5etik 8ra, eta Loiuri eragingo dio
UGT eta CCOO sindikatuek aktibatu egin dute atzera Iberiako handling-eko (lurreko zerbitzua) langileentzako greba deialdia Gabonetan, urtarrilaren 5, 6, 7 eta 8rako, Errege egunaren eta Gabonetako oporren itzulera operazioaren egunetan, hain zuzen. Greba honek eragina izango luke Bilboko aireportuan.
Joan den asteazkenean, zentralek bertan behera utzi zuten aurreko greba iragarpena —abenduaren 29tik 31ra ere luzatzen zena—, Garraio Ministerioaren presentzian konpainiarekin negoziatzen jarraitzeko, baina foro horretan ez dute akordiorik lortu, eta urtarrilaren 5etik 8ra bitartean protesta egingo dute, ohar batean azaldu dutenez.
Aenak irailean erabakitako lehiaketan Iberiak Estatuko zortzi aireportu handitan (Bartzelona, Palma, Malaga, Alacant, Kanaria Handia, Tenerife hegoaldea, Eivissa eta Bilbo) handling zerbitzua galdu ostean piztu zen gatazka eta egoera berrira moldatzeko aukerek sortzen dute desadostasuna.
Konpainiaren ustez, deialdia "justifikaziorik gabekoa" da, "asmo handiko" eskaintza egin duelako, "langileen eskubideak are gehiago indartzeko", sektorearen V. Hitzarmena "bizi osorako" bermatuz. Aire-konpainiaren arabera, eskaintza horrek lanpostu guztiak bermatuko lituzke subrogazio bidez, eta, beraz, "ez litzateke enplegua suntsituko, ezta lanpostuak zuzenean ezabatuko ere".
Iberiak IAG taldeko enpresa batek parte hartzen duen eredu "hibrido" bat sortzea proposatu du, "baita enpresa-eramaile hori taldearena izatea ere % 100ean, horrek zentzua lukeen aireportuetan"; enpresa horrek IAGko aire-konpainia guztientzat handlinga egingo luke zortzi aireportuetan, ohar batean azaldu duenez.
Sindikatuek ez dute subrogazio hori nahi, Iberiaren aterkipetik ateratzea dakarrelako, nahiz eta sektoreko hitzarmenak babestuta geratu langileak; Iberiak IAG taldeko enpresa guztientzat autohandlinga egitea eskatu dute. IAG taldeko kide da Iberia, British Airways, Vueling, Aer Lingus eta Levelekin batera.
Sindikatuek berretsi dute Iberiak bere gain hartu behar duela IAG taldeko konpainientzako zerbitzu honen ardura. Handlingaren negoziorako bideragarritasun-plan bat bermatzeko eskatzen diote konpainiari, eragindako zortzi aireportuetarako irtenbide bat, eta, plantillan soberakinik badago eta horrek eragiketa berri honi gainkostua badakarkio, "berariazko deslotura-akordio itundu bat" (EEE) egitea.
Iberiak ziurtatu duenez, gaurko greba deialdiaren ostean, "konpainiak egindako proposamenak erretiratuta gelditzen dira automatikoki"; beraz, Aenaren konkurtsoa irabazi zuten enpresei lanpostuak subrogatzea da aurreikusitako irtenbide bakarra. Iberiak ziurtatu du subrogazio-prozesu hori erraztuko duela eta "legez ezarritako berme guztiak" errespetatzen direla zainduko duela.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.