Bizkaiko, Gipuzkoako eta Arabako autobideetako bidesariak % 2,5 eta % 4 artean garestitu dira
AP-68, AP-8 eta AP-1 autobideetako bidesarien prezioa zentimo batzuk igo da urte berria sartzearekin batera.
AP-68 autobideko prezioak % 4 inguru igo dira ibilgailu arinentzat. Horrela, Gasteiz eta Bilbo arteko tartea 25 zentimo gehiago ordaindu behar da gaur, hau da, 6,25 eurotik 6,50 eurora pasa da.
Laudio eta Bilbo arteko ibilbidea, berriz, 10 zentimo garestitu da, eta 2,30 eurotik eta 2,40 eurora igo da.
Bilbo-Zaragoza AP-68 bidea kudeatzen duen enpresak ezarri ditu prezio berriak. Enpresa honek 2026ra arteko kontratua du. Urte horretan, Bizkaiko eta Arabako Aldundiek autobidearen ardura hartuko dute, bakoitzak bere lurraldean, eta bidesariarekin zer egingo duten erabaki beharko dute. Arabako kasuan, Batzar Nagusietan batzorde bat sortzea aurreikusten da, gaiaren gainean eztabaidatzeko.
Bestalde, Aldundiek kudeatzen dituzten AP-8 eta AP-1 autobideen kasuan, prezioak % 2,5 inguru igo dira. Horrela, AP-8an, Bilbo eta Donostia arteko bidesariak 2023an baino 32 zentimo gehiago balio du, hau da, 12,70 eurotik 13,02 eurora pasa da.
Bide horretan bertan, Bilbo eta Eibar arteko zatia, adibidez, 6,05 eurotik 6,23 eurora igaro da.
Azkenik, gidari batek Donostiatik Gasteizera (edo alderantziz) AP-1 eta AP-8 autobideetatik barrena joatea erabakitzen badu, bidesaria 39 zentimo gehiago ordaindu beharko du; 15,84 euro kostako zaio, 2023ko 15,45 euroen aldean.
AP-1ean bertan, adibidez, Gasteiz eta Eibar arteko zatiak 9,36 euroko kostua dauka aurten; iaz 9,11 eurokoa zen.
Horiek guztiak ibilgailu arinentzako tarifa orokorrak dira, aldundiek ohiko bidaiariei egiten dizkieten deskontuak kontuan hartu gabe. Tarifa guztien taula osoak Bidegi, Interbiak, Arabako Bideak-Vías de Alava eta Autopistas de Abertis enpresen webguneetan daude.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".