Kristau Eskolak sindikatuei eskatu die negoziatzen ari diren bitartean mobilizazioak alde batera uzteko
Kristau Eskola sarearen ikastetxeetako zuzendari Maria Eugenia Iparragirre elkarrizketatu dute gaur, asteartearekin, Radio Vitorian, itunpeko zentroetan biharko deitutako greba egunaren eta sindikatuen eta patronalaren arteko negoziazioen inguruan jarduteko.
Gaur bertan bilera dute, eta, aurreratu duenez, ostiraleko proposamena hobetuko dute. Orduan, ia % 18ko soldata igoera proposatu zuen patronalak Bigarren Hezkuntzan, eta ia % 20koa Lehenengo Hezkuntzan. "Gainera, irakasleei ez ezik, gainerako beharginei ere eragiten die eskaintzak", elkarrizketan zehaztu duenaren arabera.
"Akordioa ixtea mugarri litzateke, diru kantitate handiari buruz ari baikara hizketan. Ados jartzen ez ginen puntu guztiak aztertu ditugu, jarrerak gerturatze aldera. Sindikatuak, aldiz, hasiera bateko planteamenduan tematu dira, eta ez dute mobilizazioak uzteko asmorik erakutsi", nabarmendu du.
Ildo horretan, indar sindikalei eskatu die "akordio errealista" batera iristea, kontuan izanda 20.000 matrikulazio gutxiago daudela Kristau Eskolan.
Halaber, gogora ekarri du matrikulazio kanpaina betean antolatu dituztela protestak, eta horrek matrikula kopuruan eragina ote duen galdetuta, zera erantzun du: "Ez da matematika, baina jakin badakigu horrek ondorioak dituela, ez soilik matrikulazioan, baita ikasle bakoitzaren hezkuntza prozesuan ere".
Hori dela eta, negoziatzen ari diren bitartean mobilizazioak uzteko deia egin die sindikatuei, eta arduraz jokatzeko galdegin die. "Ez ditzagun proposamen irrealak egin, edozer dela posible sinestarazita", bukatu du.
Zure interesekoa izan daiteke
Brentaren prezioa % 13 baino gehiago jaitsi da, eta Ibex indizea % 3 baino gehiago igo, AEBren eta Iranen arteko su-etenaren ondotik
Brent petrolio upelaren prezioak behera egin du nabarmen, AEBk eta Iranek adostutako bi asteko su-etenaren ondorioz. Bi aste horietan, Pakistanen bake akordio bat negoziatuko dute, Teheranek aurkeztutako hamar puntuko planean oinarrituta.
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.