ELGAk aurreikusi du Espainiak % 1,5eko hazkundea izango duela 2024an, Europakoaren ia hirukoitza
Estatu espainiarreko ekonomiak % 1,5eko hazkundea izango du 2024an, aurreikusitakoa baino hamarren bat gehiago, eta 2025ean % 2 egingo du gora. Ekonomia Lankidetza eta Garapenerako Antolakundeak (ELGA) datozen ekitaldietarako munduko ekonomiaz egindako aurreikuspenen txostenean bildu ditu datuok.
Hala, urte honetan zein datorrenean Eurogunean bilakaera onena izango duen ekonomia izango da Espainiakoa. Baita, 2024rako aurreikuspenak hobetuko dituena ere.
Kontrara, Alemaniako ekonomia aurreikusitakoa baino gutxiago haztea aurreikusi du ELGAk. Aurten, % 0,3ko hazkundea, eta 2025ean, % 1,1koa iragarri ditu erakundeak bere azken txostenean Alemaniarako—aurreko prebisioen arabera, % 0,6ko eta % 1,2ko igoerak espero ziren, hurrenez hurren—.
Frantzian ere, okerrera egin dute aurreikuspenek: 2024an ekonomia % 0,6 haziko dela jasotzen du gaur argitara emandako txostenak, aurrekoak baino bi hamarren gutxiago. 2025erako hazkunde prebisioa, berriz, % 1,2an mantendu da.
Inflazioari dagokionez, Espainian prezioak uste baino gutxiago igoko direla ere esan dute datuak bildu dituzten adituek; % 3,3 egingo du gora inflazioak, aurreikusitakoa baino lau hamarren gutxiago.
Orokorrean, aipatutako erakundeak murriztu egin ditu hazkunde aurreikuspenak Europa ia osoan, % 1etik beherako hazkunde prebisioarekin herrialde gehienetan: batez beste, % 0,6ko hazkundea iragarri dio Euroguneari urte honetarako eta % 1,2koa datorren urterako. Bestalde, Estatu Batuetako aurreikuspenak hobetu egin ditu. Aurten, hango ekonomia % 2tik gora haztea espero da.
ELGAko arduradunen arabera, Ekialde Hurbileko egoera mundu osoko ekonomian izaten ari da eragina, eta datozen hilabete eta urteetarako aurreikuspenetan eragin zuzena izango du. "Tentsio geopolitikoek ondorio arriskutsuak izan ditzakete epe laburrean ekonomian, bereziki, energiaren merkatuan", uste du ekonomia erakundeak.
Oro har, zor publikoa kontrolpean izatea aholkatu du Ekonomia Lankidetza eta Garapenerako Antolakundeak eta hezkuntzaren esparruan eta klima aldaketari aurre egiteko politiketan inbertsio gehiago eskatu ditu.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".