Errenteria, eremu tentsionatu izendatzea formalki eskatu duen lehen udalerria
Errenteriako Udalak astearte honetan onartu du, Tokiko Gobernu Batzarrean, Eusko Jaurlaritzari eskatzea Gipuzkoako herria etxebizitza eremu tentsionatu izendatzea, eskaera formala egin ahal izateko behar diren agiriak bukatu ondoren.
Horrela, Jaurlaritzari mekanismo hori aktibatzeko eskaera formala egingo dion lehen udalerria izango da. Mekanismo horri esker, besteak beste, alokairuaren prezioak arautu ahal izango dira.
Errenteriako Udalak azaldu duenez, etxebizitza-kopuruaren hazkundea azken 10 urteetan izandako biztanleria-hazkundearekiko proportzionala izan bada ere, udalerriko merkatuaren egoerari buruz egindako diagnostikoak egiaztatu du "etxebizitza-hornidura eskasa izateko arriskua dagoela, eta, gainera, etxebizitza hutsen parke oso txikia dela (% 5,5), bigarren etxebizitza murriztu den arren (% 7,7)".
Biztanleriaren hazkundeak (% 5 baino gehiago) eta "zahartzearen eta egungo dinamiken ondorioz etxebizitza-parkearen erabilera ez hain intentsiboak (familien % 62 pertsona 1 edo 2k osatzen dute) eskariaren presioa eragiten dute, eta horrek etxebizitzaren prezioak igotzea dakar".
Udalak azpimarratu duenez, egoera hori "larriagotu egiten da Donostiako metropoli-eremuko etxebizitzaren garestitasunak ere eragiten duen presioagatik, eta, aldi berean, gazteak inguruko beste udalerri batzuetara lekualdatzen ari direlako", hala nola Errenteriara.
Etxebizitzaren prezioaren pixkanakako igoeraren ondorioz, alokairuko etxeen kopurua % 73 hazi da azken hamarkadan Errenterian, baina baita "merkatu librean alokairua ordaintzeko zailtasunak nabariagoak ere; dagoeneko emantzipatuta dauden familien eskaera handia baita Etxebiden, etxebizitza babestu eskuratzeko, alokairuak ordaintzeko hilero egiten duten ahalegina murriztea bilatzen dutelako".
Udalak gogorarazi du STOP Etxegabetzeak plataformak mozioa aurkeztu zuela 2023ko uztaileko Udalbatzan, eta Errenteriako Udalari eskatu ziola Eusko Jaurlaritzari eska ziezaiola udalerria eremu tentsionatu izendatzea. Mozioa gehiengo zabalarekin onartu zen.
Eremu tentsionatu izendatzeko eskaerak, gainera, Udal Etxebizitza Plan bat jasotzen du hurrengo hiru urteetarako. Egitasmo hori Jaurlaritzako Etxebizitza Sailarekin batera landu da. Ildo horretan, Jaurlaritzarekin koordinatuta etxebizitza publikoen kopurua handitzen jarraitzea da egitasmoan jasotako neurri estrategiko garrantzitsuenetako bat.
Zure interesekoa izan daiteke
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.