'Maria Reina Madre' arrantza-ontzia hondoratu egin da, Pasaiako portutik bederatzi miliara
Ostiral goizean Pasaiatik bederatzi miliara matxuratu eta hondoratzen hasi den Maria Reina Madre arrantza-ontzia urak irentsi du, azkenean, Denis Itxaso Espainiako Gobernuak Euskadin duen ordezkariak jakinarazi duenez.
Frantziako bandera izan arren, Burelan zuen basea, Galizian, eta azterketa bat egitera zetorren Pasaiara, gero Frantziako uretan arrantzatzen jarraitzeko.
Hala ere, Pasaiatik bederatzi miliara, ontzira ura sartzen hasi da eta makina-gela urez bete da. Ondorioz, "goizeko bederatziak aldera Bilboko Itsas Salbamenduko Koordinazio Zentroan lehen abisua jaso dutenetik, 38 minutu eskasean ebakuatu behar izan dute ontzia", Itxasok azaldu duenez.
Itxasoren arabera, Itsas Kapitaintzatik atoian eramaten saiatu dira, hegoaldeko haizeak Frantziako uretara bultzatzen zuelako ontzia, baina, "flotagarritasuna berreskuratzeko maniobrek porrot eginda", azkenean ontzia hondoratu egin dela baieztatu du.
Eskifaiaren erreskatea
Arrantza-ontziko 14 tripulatzaileak goizean erreskatatu dituzte, horien ontzia Pasaiako kostaldean hondoratzen hasi ostean.
Abisua 08:57an iritsi da Bilboko Itsas Salbamenduko Koordinazio Zentrora. Maria Reina Madre arrantza-ontziaren deia jaso du, kroskoan kontrolatu ezin zuen zulo bat zuela esanez.
Itsas Salbamendutik, salbamendu-txalekoak jartzeko eskatu diete, eta Salvamar Orion ontzia eta Helimer 211 helikopteroa mobilizatu ditu. Gainera, ontzitik gertu zegoen Castillo anaiak arrantza-ontziarekin harremanetan jarri dira.
09:12an, istripua izan duen ontziko patroiak jakinarazi du 13 tripulatzaileak arrantza-ontzitik atera direla eta salbamendu-txalupa batean zeudela; bera, berriz, ontzian egon da erreskate-ontzia iritsi arte.
Salvamar Orion ontzia 09:35ean iritsi da eskifaia zegoen tokira, eta 13 tripulatzaileak onik erreskatatu ditu. Ondoren, Maria Reina Madre ontzira joan da patroia ateratzera.
Itsasontzia "estriborrera eskoratuta dago, eta makinak urak hartu ditu", Itsas Salbamenduak ohar baten bidez jakinarazi duenez.
Guardia Zibilaren Rio Sella patruila-ontzia "egoera monitorizatzen" aritu da, eta Itsas Salbamenduko María de Maeztu ontzia mobilizatu dute istripua izan duen ontzia atoian eramaten saiatzeko; alferrik, ordea.
1987an eraiki zuten María Reina Madre itsasontzia. 25 metro luze da, bandera frantsesa du, eta Pasaiako portutik bederatzi miliara zegoela hasi da hondoratzen.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.