Iberdrolak Repsol salatu du publizitate kanpainetan 'greenwashing' egitea leporatuta
Iberdrolak salaketa bat aurkeztu du Repsolen aurka, Lehia Bidegabearen Legean oinarrituta, ekologismoarekin itxurakeria edo 'greenwashing' egitea egotzita, konpainiak berak jakitera eman duenez.
Salaketa otsailaren 21ean jarri zuen Santanderreko Merkataritza Auzitegian, eta aipatu legearen 5., 7. eta 18. Artikuluetan oinarritzen da. Iragarkietan eta komunikazio korporatiboetan engainu ekintzak, engainatzeko informazioa ezkutatzea eta legez kanpoko publizitatea egitea aipatzen da artikulu horietan.
Salatzailearen arabera, Repsolek enpresa iraunkor gisa saltzen du bere burua, energia trantsizioaren buru dela, ingurugiroa zaintzen duela eta karbono arrastoaren eta klima aldaketaren eraginaren aurka lan egiten duela.
Repsolek erantzun du salaketa Iberdrolaren "urduritasunaren" emaitza dela, geroz eta lehiakorragoa den merkatu batean bezeroak galtzen ari delako.
Iberdrolako iturrietatik jakinarazi dutenez, Repsolen webgunean 15 'greenwashing' mezu atzeman dituzte, eta horixe egiten duten hiru publizitate kanpaina: 'Biocombustibles avanzados, una alternativa para la movilidad' (enero 2023), 'Hidrogeno renovable' (enero 2023) eta 'Conectar energias' (marzo 2023).
Gainera, gogorarazi dute Repsolek bi isun jaso dituela antzeko kanpainengatik Erresuma Batuko ASA (Advertising Standards Authority) erakundearen eskutik. Hauxe zioen kanpaina bat bertan behera utzi behar izan zuen: "Repsolen bioerregaiak eta erregai sintetikoak egiten ditugu zero isuri garbi lortzeko".
Iberdrolaren arabera, Repsolek, ekimen iraunkorrak sustatu arren, erregaien erabilera bilatzen du bere eskaintzan, eta publizitatean iraunkortasuna azpimarratzen duen arren, bere jardueran "txikikeria bat" da hori. Era berean, konpainiaren jarduera nagusia zein den eta bere produktu eta zerbitzuek ingurugiroan duten benetako eragina ezkutatzen duela kritikatu du.
Argindar konpainiak dio Repsol dela Espainiako Estatuan negutegi efektuko gas gehien isurtzen duena, baina bere komunikazioetan iraunkortasunean eta trantsizio energetikoan buru dela dioela.
Gainera, 2022ko inbertsioen % 82 erregai fosiletara eta % 0,82 energia berriztagarrietara bideratu zuela gogorarazi du.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.