Bertan behera geratu da Pitermanen aurkako epaiketa, Fiskaltzak Nereorekin negozia dezan
Dmitri Piterman Deportivo Alavesen presidente ohiaren aurkako epaiketa bertan behera geratu da, asteartera arte gutxienez, Fiskaltzak Jose Nereo akusatuarekin negoziatu ahal izateko.
Alavesen presidente ohia ez da agertu gaur bere aurka hasi den epaiketan, eta auzi-ihesean epaituko dute (lehendik ere baditu bere gain bilatzeko eta atxilotzeko aginduak), epaileak epaiketak aurrera jarraitzea erabaki baitu.
Piterman Alavesen dirua bidegabe erabiltzeagatik epaituko du Arabako Auzitegiak, Jose Nereo enpresari kantabriarrarekin batera, garai hartan Pitermanen ondokoa zena.
Pitermanen defentsak osasun arrazoiak argudiatu ditu epaiketa bertan behera uzteko, eta azaldu du astearte honetan belauneko ebakuntza egin behar diotela akusatuari Kalifornian (AEB).
Defentsak hitzeman du Alavesen presidente ohiak baduela etorkizunean epaiketan bertaratzeko asmoa, eta horregatik eskatu duela atzerapena, Nereoren defentsak egin duen bezalaxe.
Fiskalak, berriz, epaiketak aurrera jarraitzea eskatu du, aurkeztutako osasun agiriak ez direla nahikoa, epaiketaren data urrian jarri zela, eta Pitermanek ez duela ezertan lagundu argudiatuta.
Azkenean, fiskalak arrazoia eman dio fiskalari, Pitermanen ebakuntza ez zelako urgentziazkoa, programatua baizik, eta klinika pribatu batean, itxaron zerrendarik gabe. Epaiketarekin jarraitzeaz gain, auzi-ihesean jarri du Piterman.
Ahozko saioek Nereorekin jarraituko dute, nahiz eta oraingoz epaiketa bertan behera geratu den akusatu horren eta Fiskaltzaren arteko akordioa negoziatu ahal izateko.
Hasiera batean epaiketa eten dute, negoziatzeko, baina akordiorik lortu ez dutenez, bihar arte bertan behera geratzea onartu du epaileak. Akordiorik balego, epaiketa bihar amaituko da; bestela, aste osoa iraungo du.
7 eta 9 urteko espetxe-zigor eskaerak
2004 eta 2007 artean Alaveseko presidentea zenean egindakoagatik epaituko dute Piterman.
Berekin batera, Jose Nereo enpresari kantabriarra eta Milanendra Vikramsingh Pitermanen emazte ohia ere auzipetu dituzte, baina bigarren hori ez dute epaituko, ez baitira lokalizatzeko gai izan.
Pitermanek 2004an erosi zuen Alaves, Racing Santander bereganatu eta urtebetera, eta klubeko presidente eta kontseilari ordezkari izendatu zuen bere burua. Horren emaztea zena presidenteordea zen, eta Nereo, berriz, kontseilaria.
Fiskaltzaren arabera, Pitermanek eta Nereok Alavesen diru-funtsak eurenganatu zituzten, "euren onurarako", eta 3.161.968 euroko zuloa eragin zuten.
Fiskaltzak uste du jabetza bidegabe jarraituaren delitua eta kontuen faltsutzea egin zituztela.
Alaves akusazio partikular gisa aurkeztuko da epaiketan, eta bederatzi urte eta erdiko kartzela-zigorra eskatuko du Piterman eta Nereorentzat.
Gainera, klubak lau milioi euro eskatzen dizkie ardura zibil gisa.
Aurretik ere epaitu dute Piterman Alavesen egindako kudeaketagatik, 25 milioi euroko zorrarekin kluba hartzekodunen konkurtsora eraman ostean.
Arabako Auzitegiak zigortu egin zuen Piterman arrazoi horrengatik, eta klubari 6,8 milioi euroko kalte-ordaina emateko agindua eman zion, baina Auzitegi Gorenak atzera bota zuen erabaki hori 2015ean.
Albiste gehiago ekonomia
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.