LABek Iruñean egingo duen manifestazio eta jaialdi nazionalarekin ospatuko du Maiatzaren Lehena
Aurten bere 50. urteurrena ospatzen ari den LAB sindikatuak manifestazio eta jaialdi "nazionala" antolatu ditu Maiatzaren Lehenerako, Iruñean. Egun osoko egitaraua prestatu dute, manifestazioa, ekitaldia, bazkaria eta kontzertuak, barne.
LAB sindikatuak astelehen honetan prentsaurrekoan azaldu duenez, maiatzaren 1ean "langileen antolakuntza eta borrokaz, Euskal Herriaren nazio askapenerako eta eraldaketa sozialerako bidea zabaltzen" jarraitzeko konpromisoa berretsiko du.
Sindikatuaren arabera, Euskal Herria ere, Europako beste hainbat toki bezala, "ez dago neoliberalismoak eragindako indibidualismotik eta jarrera autoritario, matxista zein arrazistetatik salbu". Hala ere, Euskal Herriak "zorionez" balio horiei aurre egiteko "antidotoa" baduela azpimarratu du: "sozialki zein politikoki indartzen ari den" ezker independentismoa.
Langileak antolatzen eta borroka sindikala bultzatzen jarraitzeko hautua egiten du sindikatu abertzaleak. Halaber, kapitalaren interesei "eremu guztietan" aurre egin behar zaiela nabarmendu du: lantokietan, kalean eta instituzioetan. "Nazio askapenean eta eraldaketa sozialean aurrera eginez" egin beharreko bidea dela iritzita, Euskal Herrian "estatu tresnak eta burujabetza maila handiagoak" falta direla aldarrikatuko du.
"Ziklo politiko berria irekitzen ari da, eta LAB ere bada ziklo berri horren parte, sustatzaile izango da", gehitu du.
Maiatzaren 1eko ekitaldiak
Iruñean egun osoko egitaraua antolatu dute maiatzaren 1erako. Gaztelu plazatik abiatuta manifestazioa egingo dute 11:30ean, 12:30ean ekitaldia Anaitasuna pabilioian, eta, segidan, herri bazkaria eta kontzertuak.
Nazioarteko gonbidatuak ere izango dira Iruñean. Lehen aldiz, Mundu Federazio Sindikaleko idazkari nagusiak parte hartuko du, baita Palestina, Vietnam, Sardinia, Korsika, Bretainia, Aosta, Andaluzia, Katalunia, Galizia, Aragoi, Asturias eta Valentziako kideek ere.
Hego Euskal Herrian deialdi bakarra izango da. Halaber, salbuespen gisa, sindikatua Ipar Euskal Herrian ere mobilizatuko da, urte luzez "bazterketa sindikala" pairatu ostean "zentzugabekeria" hori gainditzea lortu duela ospatzeko. "Azkenik intersindikalaren baitan egon ahal izatea garaipena da, eta horregatik, LABen ordezkaritza bat bertan izango da", gaineratu du.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.