Lanaldia murrizteko proposamen "malguagoa" aurkeztu du Lan Ministerioak, patronalak "hurbiltzeko" asmoz
Espainiako Lan Ministerioak lanandia murrizteko proposamen berri bat jarri du mahai gainean, aurrekoa baino malguagoa, CEOE eta Cepyme patronalen jarrerak hurbiltzeko asmoz. Zenbait sektoretan orduen banaketa irregularrak egiteko tarte handiagoa aurreikusten du proposamen berri horrek.
Sindikatuekin egindako bileraren ostean, Joaquin Perez Rey Estatuko Enplegu idazkariak adierazi du Espainiako Gobernuaren bokazioa "alde guztiekin" akordioa lortzea da, CEOE eta Cepyme patronalak barne.
Proposamen berri horretan, "malgutasun" handiagoa eskaintzen zaie enpresei lan-denbora modu irregularrean banatzeko, behin Gobernuak proposatutako 37,5 orduko murrizketa indarrean jartzen denean, 2025ean.
Gizarte-eragileekin elkarrizketa sozialeko mahaiaren bileraren ondoren, Perez Reyk zehaztu du enpresek, egun, urteko lanaldiaren % 10era arteko banaketa irregularra egin dezaketela. Orain, Lan Sailak proposatzen duena da % 10 hori enpresek araua indarrean sartzean zuten lanaldiari buruzkoa izatea, eta ez lanaldi murriztu berriari buruzkoa.
Estatu idazkariak azaldu duenez, proposamen horrek, funtsean, "lanaldiaren banaketa irregularra egiteko tarte handiagoa" eskaintzen du, eta horrek, adibidez, urtean zehar ekoizpen-ziklo ezegonkorrak dituzten sektoreei mesede egin diezaieke, hala nola nekazaritzari edo ostalaritzarekin lotutako jarduera batzuei.
PSOEk eta Sumarrek sinatutako gobernu akordioan jasota dago asteko lanaldia 40 ordutik 38,5 ordura murriztea aurten, eta 37,5 ordura, 2025ean. Proposamen horrek sindikatuen oniritzia jaso du.
Sindikatuen babesa
Bestalde, Fernando Lujan UGTko Politika Sindikaleko idazkariorde nagusiak eta Carlos Gutierrez CCOOren Ikasketa eta Hezkuntza Sindikaleko idazkariak esan dute malgutasuna onartuko dutela epeak "zentzuzkoak" badira, baina azpimarratuz lanaldi murrizketa "lehenbailehen" ezarri beharra dagoela.
Lujanek gogorarazi du azkeneko murrizketa 1983an egin zutela, trantsiziorik gabe, eta ez zela "apokalipsia" iritsi. Horregatik, CEOEri eta Cepymeri murrizketa onartzeko eta haien postura zehazteko eskatu die. "Aurrera egin beharra dago", azpimarratu du.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".