Loiolako kuartelen salerosketarako akordioa behin-behinean etetea onartu du Donostiako Udalak
Loiolako kuartelen salerosketarako Espainiako Gobernuko Defentsa Ministerioarekin izenpetutako akordioa aldi baterako etetea onartu du gaur Donostiako Udaleko Tokiko Gobernu Batzarrak. Bi erakunde horiek iazko abenduaren 18an sinatu zuten akordioa, eta sei hilabeteko epean —abuztuaren 18rako— lurren eskriturak izenpetzea adostu zuten.
Eneko Goia Donostiako alkateak gaiaren inguruko azalpenak eman ditu goizean, hedabideen aurrean. Esan duenez, bi arrazoi daude akordioa behin-behinean etetearen atzean. Lehendabizikoa eta "garrantzitsuena", esan du, Espainiako Gobernuko Kostaldeetako Zerbitzu Probintzialak muga-lerroen inguruan zabaldutako espedientea da. Horren arabera, kuartelen eremuan eraikiko dituzten etxebizitzen eta Urumea ibaiaren artean 100 metroko gutxieneko muga ezarri behar dela dio Kostaldeetako Zerbitzuak. Udalak, ordea, muga hori 20 metrokoa izatea nahi du, eta, horregatik, alegazioak aurkeztu zizkion espedienteari.
Auzi hori argitu artean ezingo da aurrera egin, alkateak zehaztu duenez. "Aurreikusten dugunaren arabera, Kostaldeetako Zerbitzuaren erabakia ez da abuztuaren 18a baino lehen iritsiko. Irailerako espero da, bana hori ere ez da ziurra. Eta hori izan da, hain zuzen, hitzarmena eteteko arrazoia, bi aldeek hala adostuta. Berez, etetea kenduko litzateke erresoluzioa emana denean", esan du.
Beste arrazoia, eskuin muturreko Adiskidetzearen eta Egia Historikoaren Elkarteak Auzitegi Nazionalean akordioaren kontra jarritako administrazioarekiko auzi-errekurtsoa da. Goiaren arabera, oraindik ez dute helegitearen edukia ezagutzen. "Espero dugu ANk lehenbailehen ezagutaraztea edukia", erantsi du.
Nolanahi ere, alkateak nabarmendu du muga-lerroen inguruko espedientearena dela Udalean "izugarrizko eragin ekonomikoa" izan dezakeena. "Azken batean, bertan egin daitekeena erabat ezberdina izango da 100 metroko linea ezarrita edo 20 metrokoa ezarrita", amaitu du.
Behin bi auziok argituta daudenean, Donostiako Udalak egoera aztertu eta aldeei euren jarrera helaraziko die.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.