Albiste izango dira: LUR-1 euskal satelitea, Mpox eta Ekialde Hurbila
Honako gai hauek hartuko dituzte gaur, 2024ko abuztuaren 12an, hedabideetako lerroburu nagusiak:
- LUR-1 euskal satelitea: Arabako AVS (Added Value Solutions) konpainiak orbitan jarriko du gaur LUR-1, Euskal Herrian diseinatu eta garatu den lehen satelitea. Espaziorako bidaia gauzatzeko, satelitea Elon Musk enpresaburuaren Space X konpainiaren Falcon 9 kohetean ontziratu dute. Jaurtiketa 20:18an izango da (Euskal Herriko ordutegia) Ameriketako Estatu Batuetako Indar Espazialak Vandenbergen (Kalifornia) duen basetik.
- Mpox edo tximino baztanga: Suediako agintariek mpox edo tximino baztanga gaixotasunaren aldaera larrienaren lehen kasua atzeman dute. Europan baieztatutako aurrenekoa da, Afrikako kontinentetik kanpoko lehena. Hain justu, aldaera horren kutsatze mailarekin arduratuta, nazioarteko osasun larrialdia ezarri du berriki Munduko Osasun Erakundeak (MOE). Euskal Autonomia Erkidegoak (EAE) aurten bost kasu erregistratu ditu, horietako bat ere ez ekainean eta uztailean, Osasun Ministerioak emandako datuen arabera. Guztira, 2022tik 251 kasu izan dira EAEn, horietatik 245 urte horretan, eta bakarra 2023an.
- Egoera Ekialde Hurbilean: Israelek gutxienez 40.000 pertsona hil ditu Gazan, duela 10 hilabete erasoaldia hasi zuenetik, Gazan agintzen duen Hamasek azken orduetan zabaldutako datuen arabera. Bien bitartean, bake akordioa lortzeko negoziazioek jarraipena izango dute Dohan. Qatar, Ameriketako Estatu Batuak, Egipto eta Israelgo ordezkariak elkartu dira. Oraingo negoziazio mahaian, ordea, Hamasek ez du parte hartuko. Testuinguru horretan, manifestazioa antolatu dute Bilbon, "Aste Nagusian ere, Israel Borrokatu!", Moyua plazatik abiatuta 19:00etan.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.