Otsoari babes berezia kentzeko eskatu duela berretsi du Eusko Jaurlaritzak
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak berretsi du otsoa babes bereziko espezieen zerrendatik kentzeko eskatu diotela Espainiako Gobernuari.
Sailburua Amurrioko XXX. Artzain Egunean egon da, sektorea bultzatzeko ekimenean, eta artzain beteranoen omenaldian parte hartu du.
Gaur egun, bi otso talde daude EAEn: bata Bizkai mendebaldean eta bestea Araba eta Burgos arteko mugan. Karrantzan (Bizkaia), Urkabustaizen, Kuartangon eta Aiaran (Araba) izan dira eraso gehien.
Barredok elkartasuna adierazi die erasoak jasan dituzten artzainei, eta gogorarazi du duela egun batzuk Luis Planas Nekazaritza ministroari eskatu ziola otsoa Babes Bereziko Erregimenean dauden Basaespezieen Zerrendatik (gaztelaniaz LESPRE akronimoarekin ezagutzen dute) ateratzeko.
Era berean, 2023an Teresa Ribera ministroari antzeko eskaera batekin gutuna bidali ziotela jakinarazi du, baina ez zutela erantzunik jaso gaineratu du.
UAGA Arabako Nekazarien Elkartea kexu agertu da erasoengatik, eta egiturazko neurriak eskatu ditu otsoaren zabalkundea galarazteko.
Atzo bertan, UAGAren arabera, Kuartangoko herrigunetik gertu dagoen lursail hesitu batean, sasi ardi arrazako 28 ardiko artalde batek otso baten erasoa jasan zuen, eta 8 hil zituen eta 18 hilzorian utzi.
"Ba al dakizue pottokak, sasi ardiak, ahuntz azpigorriak edo behi terreñak otsoak baino gutxiago direla? Ez bazenekiten, orain badakizue", azaldu dute UAGAkoek.
Kritikatu duenez, azken hamarkadetan, mugimendu "sasiekologistek", landa eremuen eta hirien arteko urruntzeak elikatuta, abeltzaintza estentsiboaren eta otsoaren arteko "elkarbizitza faltsu" baten mezua zabaldu dute. "Gaur, egun askotan bezala, gure begiekin ikusten dugu ezinezkoa dela halakorik", ohartarazi du.
Sindikatuarentzat, gainera, Eusko Jaurlaritzak argitara emandako Otsoaren Kudeaketa Planaren zirriborroak ez du egoera konpontzen, eta otsoa lurralde osora zabaltzea ahalbidetzen du.
Zure interesekoa izan daiteke
Dieselaren litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.