56 urteko langile bat hil da Lizarrako Agralco enpresako biltegi batean izandako leherketan
56 urteko langile bat hil da ostiral honetan Agralco enpresaren araztegian, nekazaritza-hondakinen biltegi batean izandako leherketan, Nafarroako Gobernuak jakitera eman duenez.
Biltegia 10:49an lehertu da, eta langilea Ordoiz bidean dagoen enpresaren instalazioetatik atera da, baina erreka ondora erori da jarraian.
Leherketaren ostean, enpresako langileek lankide baten falta sumatu dute, eta haren gorpua aurkitu dute gerora.
Nafarroako suhiltzaileak, bi anbulantzia, foruzainak eta Lizarrako udaltzainak bertaratu dira ezbeharraren tokira.
Ezbeharrean ez da suterik izan, ezta hondakinik isuri ere.
Gizonaren gorpua Nafarroako Auzitegi Medikuntzako Institutura eraman dute, autopsia egiteko. Lizarrako Brigada Judizialeko kideek ikerketa abiatu due ezbeharra zerk eragin duen argitzeko.
Ezbeharren gorakadaren aurrean, sindikatuek neurriak hartzeko eskatu dute
Ezbehar kopuruaren gorakadaren aurrean, sindikatuek lan-istripua salatu, eta neurriak hartzeko eskatu dute. Ildo horretan, CCOOk azpimarratu du aurten Nafarroan izandako lan-istripuetan gutxienez 18 pertsona hil direla. Horren esanetan, hamaika egunetan hiru behargin hil dira Foru Erkidegoan.
CCOOk ohartarazi du Nafarroak azken urteetan ezbeharren datuetan bilakaera "oso txarra" izan duela, eta prebentzio-araudia zorrotz betetzeko eskatu die Foru Erkidegoko patronalei.
Nafarroako UGTk "biziki" deitoratu du langilearen heriotza, eta istripuen kopurua "maila kezkagarrietara eta onartezinetara" iristen ari dela esan du.
Sindikatuak berretsi du baliabide gehiago bideratu behar direla Lan Ikuskaritzara, prebentzio-arloko arauak betetzen direla kontrolatzeko.
Istripuen "triskantza" horren aurrean, ELAk Nafarroako Aurrekontuak negoziatzen ari diren alderdi politikoei eskatu die uko egin diezaiotela Prebentziorako lurralde ordezkariaren figura finantzatzeari eta zenbateko ekonomiko nahikoak bidera ditzatela lantokietako segurtasun baldintzak kontrolatzeko premiazko neurriak ezartzeko, Lan Ikuskaritzako plantilla hirukoiztuz.
Sindikatu abertzaleak elkarretaratzea deitu du datorren astearterako, egoera salatzeko, Nafarroak baititu Estatuko "ezbehar-tasarik txarrenak", eta heriotza horietako gehienak "oinarrizko segurtasun-neurriekin ekidin zitezkeela" salatu du. Horren atzean, "patronalaren inpunitatea eta erakundeen konplizitatea daude", erantsi duenez.
LAB sindikatuaren arabera, Nafarroa "Espainiako Estatuaren buruan dago lan-istripuei dagokienez", eta Foru Gobernuak "Lan Ikuskaritzaren eskumenak lehenbailehen bere gain hartzeko eta enpresaburuen gaineko kontrola eraginkorra izan dadin beharrezkoak diren baliabideak bideratzeko" eskatu du.
Sindikatu abertzaleak azpimarratu du Lan Ikuskaritzak 10 ikuskatzaile baino ez dituela Nafarroa osorako, eta Foru Erkidegoan iaz 26.000 lan-istripu gertatu zirela gaineratu du.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.