Volkswagenek iragarri du hiru lantegi itxiko dituela Alemanian, eta milaka langileren lanpostuak kolokan jarri
Volkswagenek, motorraren munduko ekoizle handienak eta Euskal Herrian presentzia handia duenak, iragarri du gutxienez hiru lantegi itxiko dituela Alemanian kostuak murrizteko eta errentagarritasuna handitzeko, enpresak bizi duen egoera larriari aurre egiteko asmoz. Gainera, enpresak jakinarazi du herrialdeko gainerako zazpi lantegietan ere kostuak murriztuko dituela, eta langileen soldatak % 10 murriztuko dituela.
Hala, Europako auto ekoizle handienak "dozenaka mila" lanpostu murriztuko dituela jakinarazi dio enpresa-batzordeari astelehen honetan. Daniela Cavallo enpresa-batzordeko buruak eta gainbegiratze-kontseiluko kideak adierazi duenez, oraingoz ez dakite zein enpresa itxiko diren, ezta zenbat pertsonari eragingo dion ere.
Alemaniako Gobernua ere kezkatuta agertu da enpresaren krisialdiaren aurrean, baina ez du zehaztu zer neurri hartuko dituzten, nahiz eta adierazi duen "adi" daudela.
Volkswagenek irailaren hasieran iragarri zuen Alemaniako lantegi bat ixtekotan zela, 87 urtean lehendabizi. Hala eta guztiz ere, erabakia bere horretan gelditu zen. Orain, hasieran esandakoa baino erabaki are eta gogorragoa hartu du lantegi erraldoiak, ez baita lantegi bakarra itxiko, eta maila handiko murrizketa iragarri baitute.
Volkswagenek dozena bat lantegi ditu herrialdean zehar, eta 300.000 langile inguru. Hortaz, erabakiak zenbait langiren lanpostuak kolokan jarriko ditu.
Nafarroako Volkswagenen lasaitasun mezua
Volkswagenek Landabenen (Nafarroa) duen lantegiko beharginek zehaztu dute "lasai" daudela iragarpenaren aurrean; izan ere, enpresa-batzordeak Euskadi Irratiari baieztatu dio ez dutela uste honek guztiak euren enpresan eraginik izango duenik.
Volkswagenek bizi duen krisialdia ez da berria
Volkswagenek boladatxo bat darama barne-arazo larriekin. Alemaniako erraldoiak ez dio irtenbiderik aurkitu azken bi urteetatik arrastaka daraman baina orain eztanda egin duen krisiari.
Europako automobil-fabrikatzaile handienak urtebete darama kostuak doitzeko plan bat aplikatzen, baina, antza denez, plan hori ez da nahikoa izan enpresaren salmentetan izandako galerei konponbidea emateko. Hainbat faktorek egin dute bat krisia pizteko, hala nola Txinako ereduen lehia bizia eta eskariaren beherakada.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".