EAEko administrazio gehienak garraioa 12 urtera arte doakoa izatearen aldekoak dira
EAEko administrazio publiko gehienak garraio publikoa 12 urtera arte doakoa izatearen aldekoak dira, Eusko Jaurlaritzak jakitera eman duenez. Orain arte, oro har, 6 urtera arte aplikatzen da neurri hori.
Euskadiko Garraio Agintaritzaren osoko bilkura asteazken honetan bildu da Gasteizen, eta, bertan, EAEko garraio publikoaren arduradunek garraio publikoaren erabilera herritarren artean sustatzen jarraitzeko hurrengo urratsak jorratu dituzte.
Susana Garcia Chueca Mugikortasun Iraunkorreko sailburuak osoko bilkuran azaldu duenez, urrats hori Euskadi osorako eredu bateraturantz hasitako bidearen baitan egin da, eta deskontuak ditu, pertsonen erabileraren eta maila sozioekonomikoaren arabera.
Sailburuak azaldu du doakotasuna 12 urtera arte zabaltzeko erabakia beharrezko neurria dela, garraio publikoan klima-aldaketaren aurkako borrokaren ardatz gisa ulertzen bada.
Neurriak zuzeneko eragina izan dezake Euskadiko 130.362 haurrengan, eta haien familiengan: 21.955, Araban; 65.025, Bizkaian eta 43.382, Gipuzkoan.
Eusko Jaurlaritzak 2025eko urtarriletik aurrera ezarriko du neurri hori Euskotren sozietate publikoaren bidez zuzenean lan egiten duten garraioetan —Gasteizko eta Bilboko tranbiak eta Bilbo eta Hendaia arteko tren-lineak—.
Arabako foru diputatuak, Jon Nogalesek, Arababusen abian jartzearen alde bozkatu du, eta Sonia Perez Ezquerra eta Azahara Dominguez Bizkaiko eta Gipuzkoako foru diputatuak eta Nora Abete Bilboko Mugikortasun Iraunkorreko zinegotzia ere neurria ezartzearen alde agertu dira.
Gipuzkoaren kasuan, Aldundiak bozketa egingo du Gipuzkoako Garraioaren Lurralde Agintaritzan. Neurri hori 2022. urtearen amaieratik dago ezarrita Gasteizko Tuvisa hiri-autobusen operadorean.
Zure interesekoa izan daiteke
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.