Cebekek iritzi du BGAE bultzatzeko erakundeentzako proposatu duten pizgarri fiskala eskasa dela
Carolina Perez Toledo Cebek Bizkaiko patronalaren presidenteak uste du eskasa dela foru aldundiek borondatezko gizarte-aurreikuspeneko erakundeentzako iragarri duten pizgarri fiskala, eta azpimarratu du enpresariek "asmo handiagoko" proposamena espero zutela.
Perez de Toledok aldundiek iragarritako zerga erreforma izan du hizpide Cebekek egindako azken enpresa inkestaren datuen aurkezpenean, eta gogorarazi du ez dituela jasotzen patronalaren eskaera nagusiak: elkarteen gaineko zerga murriztea eta ondarearen gainekoa kentzea.
Inkesta horretan zerga presioa da enpresarien bigarren kezka nagusia, inoiz baino gehiago kezkatzen ditu fiskalitateak.
Bizkaiko enpresarien buruak adierazi duenez, foru ogasunek aurreratutakoan oinarrituta, ez dute uste zerga erreforma "sakona" izango denik, "berrikusketa hutsa" besterik ez delakoan daude.
Proposamena ekonomia sustatzeko hankamotz geratu ote den galdetuta, erantzun du horixe dirudiela, nahiz eta aitortu oraindik ez dutela erreforma oso-osorik ezagutzen.
Enpresaburuak gogorarazi du patronalaren eskaera behinenekoen artean elkarteen gaineko zerga % 17tik % 15era jaistea eta ondarearen gainekoa guztiz kentzea daudela.
Albiste gehiago ekonomia
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".
Hasi dira Avanza Gipuzkoa autobus konpainiako langileek antolatutako grebak
Asteburu honetan hasi dira lehen greba egunak, eta hurrengo asteburuetan ere luzatuko da.
Goia: ''Badirudi tasa turistikoa ezartzearen atarian gaudela''
Donostiako alkateak esan du horixe nahi izan dutela "beti", "turismoak sortzen duen aberastasunaz hiria ere aprobetxatzeko".
Emakumeen laneratzea, EAEko gizarteak azken 40 urteetan bizi izan duen aldaketa nagusienetako bat
1985. urtean, enplegu bat zeukaten pertsona guztien artean % 28 soilik ziren emakumeak. Gaur egun, ia erdiak dira (% 48). Etxetik kanpora lan egiten duten emakumeen ehunekoari begiratuta, aldeak oso handiak dira: % 31 80ko hamarkadan eta % 72 orain.