EAEko Lan Ikuskaritzak irregulartasunak aurkitu ditu lanaldi partzialeko 10.331 kontratutan
Euskal Autonomia Erkidegoko Lan Ikuskaritzak ustezko irregulartasunak aurkitu ditu lanaldi partzialeko 10.331 kontrataziotan, eta jakinarazpenak bidali ditu 5.310 enpresatara, iruzur zantzuen berri emateko.
Gutun horietan enpresei ohartarazi zaie berehala jakinarazi behar dituztela datuen aldaketak, Gizarte Segurantzaren Diruzaintza Nagusiari aitortutako partzialtasun koefizientea eta errealitatea bat ez badatoz; alegia, desegokitasunak egiaztatu diren egunetik aurrera kontratatutako denboraren eta benetan egindako lanaldiaren artean izan den tartea zehaztu behar dutela.
Horrez gainera, denbora tarte horren ondorioz izandako kotizazio aldeagatiko likidazio osagarriak sartu behar dituztela ohartarazi zaie.
Amaitzeko, lanaldia eta kotizazioa erregularizatzen ez badira, enpresei jakinarazi zaie berrikusi egingo direla eta dagokion lurraldeko Lan Ikuskaritzak ikuskatuko dituela.
Lurraldez lurralde begiratuta, Arabako 869 enpresatan jaso dute komunikazio hori. Lurralde horretan, 1.782 kontratu daude susmopean. Bizkaian, 2.833 enpresa ohartarazi dituzte 5.956 kontraturengatik. Azkenik, Gipuzkoan 1.608 enpresak egindako 2.593 kontratu daude susmopean.
Guztira, EAEko enpresen % 9,3k jaso dute ohartarazpena.
Eusko Jaurlaritzako Ekonomia, Lan eta Enplegu Sailak prentsa ohar bidez jakinarazi duenez, Espainiako eta EAEko lan ikuskaritzek elkarlanean diharduten iruzurraren aurka borrokatzeko tresnaren bidez aurkitu dira irregulartasun horiek.
Zure interesekoa izan daiteke
Bilboko Aireportuko ‘handling’ zerbitzuko langileek lanuzteak hasi dituzte
Maletak eramateaz eta aireportuetako beste zerbitzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
Iñigo Ucin izango da Ayesa Digitalen presidente ez exekutibo berria
Erantzukizun hori hartuko du Ibermatica zena Euskadira itzultzen denean hasiko den etapa berrian. Ibermatica astearte honetan sartuko da ofizialki Ayesa Digitalen.
Gizon bat hil da Durruma Donemiliagan izandako lan-istripu batean
Istripua ostiralean gertatu zen, 18:30 aldera, belar bola batek azpian harrapatu zuenean langilea.
Tubos Reunidosek 118,1 milioi galdu ditu 2025ean
Azken urtean, finantza-zor garbia 234,3 milioi eurotik 263,2 milioi eurora igo da, besteak beste, FASEE maileguaren interes kapitalizatuen eraginaren ondorioz.
KPIa % 3,3ra igo da martxoan, erregaien prezioen igoeraren ondorioz
Urte arteko KPIaren puntu bateko igoera hau 2022ko ekainaz geroztik izandako handiena da; inflazioa % 8,7tik % 10,2ra igo zen urte hartan.
"Gatazka piztu da berriro" Ertzaintzan, Euspelen arabera
Sindikatua hirugarren indarra izatetik lehen indarra izatera igaro da, 1.732 boto bildu eta 20 ordezkari eskuratuta. "Euspel ez da aldatuko lehen indarra izateagatik", esan du Joseba Saralegi Euspeleko ordezkariak.
Euspelek irabazi ditu Ertzaintzaren hauteskunde sindikalak, eta 20 delegatu izango ditu
Esan bigarren indar gisa kokatu da, horrek ere 20 delegatu lortu baititu. ErNE, azken bi hamarkadetan EAEko polizia autonomikoan gehiengoa izan duen sindikatua, berriz, hirugarren postuan geratu da.
Greba Batzordeak eta Osasun Ministerioak elkarrizketei ekin diete berriro, bi asteko grebaren ostean
Alderdi guztien elkarrizketarako borondatea eskatu dute, Estatutu Markoa lortzeko.
52 urteko gizon bat hil da Valtierran, lan-istripuz
Ezbeharra hondakinak kudeatzeko enpresa batean gertatu da, Nafarroako udalerriko abeltzaintza-industrialdean. Lehen ikerketen arabera, kargatzeko pala batek jo du langilea.
Tubos Reunidosek hitzarturiko kaleratzeekin bat egin dezaten eskaini die finko bihurtutako 42 langileei, aldi baterako langileen baldintzekin
Lan Ikuskaritzak, asteazkenean batzordearekin eta enpresarekin egindako bilera batean, Tubos Reunidosek lege iruzurrez egindako 42-47 behin-behineko kontratu atzeman zituen. Hori dela eta, enpresak finko egin behar izan ditu langileak. Sindikatuek azaldu zutenez, enpresak martxoaren 31ra arte luzatu zituen kontratazio horiek.