Gipuzkoako Foru Aldundiak aurrekontu berriak izango ditu 2025ean, PPren babesari esker
EAJk eta PSE-EEk gutxiengoan agintzen duen Gipuzkoako foru gobernuak legegintzaldiko lehen aurrekontuak onartu ahalko ditu, PPren aldeko botoari esker. Aurten, 2023koak luzatu behar izan zituzten, babes falta zela eta.
Aurrekontuen inguruko bozketa datorren abenduaren 20ko osoko bilkuran egingo da, Gipuzkoako Batzar Nagusietan.
Gipuzkoako aurrekontu proiektuan hainbat ekimen sartzea lortu duela nabarmendu du Alderdi Popularrak, tartean, plan pilotu bat pertsona migratzaileak erregularizatzeko, formatzeko eta Gipuzkoan integratzeko, eta dirulaguntzak nazioarteratzeko zailtasunak dituzten enpresentzat.
PPk Gipuzkoako 2025erako aurrekontuak babestuko dituela iragarri du, "zintzotasunez eta arduragatik", eta lurraldea Bizkaia baino "egoera txarragoan" gera ez dadin. Mikel Lezama PPren Gipuzkoako batzarkide eta bozeramaileak eta Jorge Mota batzarkideak gaur goizean egin duten prentsaurrekoak adierazi dutenez, aurrekontu berririk ez izateak lurraldean izango lituzkeen ondorioak aztertu ostean erabaki dute alderdi politikoen arteko "lehia" ezin dela oztopo izan Gipuzkoak "aurrera" egiteko.
Gipuzkoako Foru Aldundiak oposizioko beste alderdiekin negoziatzen jarraitu nahi du
Eider Mendoza Gipuzkoako ahaldun nagusiak PPren babesa "berri ona" dela adierazi ostean, oposizioko gainerako alderdi politikoekin hitz egiten jarraitzeko borondatea agertu du.
Hedabideen aurrean egindako adierazpenetan, foru gobernuak proposamen "bakarra eta bateratua" aurkezteko ahalegina egin duela esan du Mendozak, oposizioko alderdiek egindako proposamenak "oso antzekoak eta osagarriak" zirela iritzita.
Atzo oposizioko hiru alderdiekin (EH Bildu, PP eta Elkarrekin) bilerak egin zituzten, eta Mendozak azaldu duenez, elkarrekin bide bat egitekotan gelditu omen ziren. "Lehenengoa baiezkoa ematen Alderdi Popularra izan da", gaineratu du.
Hortik aurrera, "bide horretatik jarraituko dugu gainerako alderdi politiko guztiekin, ateak zabalik daude".
EH Bilduk osoko zuzenketa aurkeztuko dio Gipuzkoako Foru Aldundiaren aurrekontu proiektuari
EH Bilduk ez du Gipuzkoako Foru Aldundiaren datorren urteko aurrekontuak negoziatzen jarraituko eta osoko zuzenketa aurkeztuko dio aurrekontu proiektuari. Maddalen Iriarte EH Bilduk Gipuzkoako Batzar Nagusietan duen bozeramailearen arabera, "onartezina" da foru gobernuak oposizio osoari proposamen berdina egin izana, EH bildu lehen indarra dela kontuan izanda.
Hori dela eta, "aukera bat galdu" dela salatu du Iriartek.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.