Glovok autonomo faltsuen eredua utzi eta soldatapeko banatzaileak kontratatuko ditu Espainian
Glovo enpresak eredu aldaketa iragarri du Espainian, eta, ondorioz, autonomo faltsuen eredua atzean utzi eta soldatapeko banatzaileak kontratatuko ditu.
Gaur goizean janari banaketak enpresak azaldu duenez, eredu aldaketak gaur egun Espainian zerbitzua ematen duen herri eta hirietan (900 inguru) izango du eragina.
Glovok zabaldu duen informazioaren arabera, orain arteko moduan eutsi egingo dio erabiltzaileen eta jatetxeen eta establezimenduen artean lan egiteko moduari.
Halaber, konpainiak eragile sozialekin elkarrizketa mahai bat abiatuko du aldaketa berme guztiekin eta adostasun zabalarekin gauzatzeko.
Oscar Pierre Glovoren zuzendari exekutiboak Bartzelonako epaitegian deklaratuko du, hain zuzen ere, astearte honetan, langileen eskubideen aurkako delitua leporatuta.
Fiskaltzak Oscar Pierreren aurka jarritako salaketa baten ondotik abiatu zuen ikerketa, urte honetan bertan, Bartzelonako 31. Instrukzio Epaitegiak.
Ministerio Publikoaren salaketaren arabera, Glovok langileen eskubideak urratzen ditu. Halaber, Ministerioak gogora ekarrik du Auzitegi Gorenak ez ezik beste epaitegi batzuek ere enpresaren eta langileen arteko harreman laborala aitortu dutela.
Espainiako Gobernuak 2021ean onartu zuen plataforma digitalen banatzaileei kontratua egitera behartzen duen 'rider' legea. Glovo enpresak legea urratzen jarraitu du, eta Gobernuak epaitegietara jo du, araua betearaztera bultzatzeko.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.