Albiste izango dira: Aurrekontuak, deskontuak garraio publikoan eta Gabonetako Loteriaren inguruko bitxikeriak
Honako gai hauek hartuko dituzte gaur, 2024ko abenduaren 20an, hedabideetako lerroburu nagusiak:
- Aurrekontuak: Eusko Legebiltzarrak gaur onartuko du Eusko Jaurlaritzak 2025erako aurkeztutako aurrekontu proiektua. 09:30ean hasiko da osoko bilkura eta eitb.eus atariak zuzenean emango du. Ezustekorik ezean, Jaurlaritzako bi bazkideen (EAJ eta PSE-EE) gehiengoarekin aterako dira aurrera aurrekontuak, joan den ostegunean EH Bilduk ez baitzuen ontzat eman Noël D'Anjou Ogasun eta Finantza sailburuak helarazitako azken proposamena. Halaber, Arabako eta Gipuzkoako Batzar Nagusietan ere, gaur onartuko dituzte foru gobernuen aurrekontu proiektuak.
- Deskontuak garraio publikoan: Espainiako Gobernuak beste 6 hilabete luzatuko ditu garraio publikoen deskontuak, ekainaren 30a arte, alegia. 2022tik daude martxan deskontuok, baina, printzipioz, abenduaren 31n bukatzekoak ziren. Gaur egun, % 50eko hobaria dago garraio publikoan: Estatuak % 30 ordaintzen du, eta EAEko erakundeek, gainerakoa (% 20). Baieztapenaren zain, Espainiako Gobernuak deskontuen % 30 bere gain hartzen jarraituz gero, euskal erakundeek esana dute % 20 jartzen segitzeko prest daudela.
- Gabonetako Loteria: bitxikeriak: Aurten, Gabonetako Loteriak 2.702 milioi euro banatuko ditu saritan, eta 2023ko datuen arabera, biztanleko batez besteko gastua 78 eurokoa da Euskadin eta 58 eurokoa Nafarroan. Argitu hemen Gabonetako Loteriaren inguruko zalantzak: Dezimoa tolestu al dezaket? WhatsApp bidez zenbaki bat parteka dezaket? Dezimoa garbigailuan sartzen badut, zer gertatzen da? Non kobratu dezaket saria? Zer gertatzen da dezimo bat sare sozialetan partekatzen badut?
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.