Bizkaiko Aldundiak bere zerga sistemaren erreforma 2025eko hasieran onartuta izatea aurreikusten du
Arabako Foru Aldundiko Gobernu Kontseiluak zerga sistemaren berrikupenerako neurriak jasotzen dituen foru arauaren proiketua onartu du gaur, eta, ezustekorik ezean, 2025eko lehen hiruhilekoan araudi berria onartuta egotea aurreikusten da. EAJk eta PSE-EEk urriaren amaieran itxi zuten akordioa, zerga sistema erreformatzeko; Bizkaian bi alderdiok gehiengoa dutenez, arazorik gabe egingo du aurrera. Gipuzkoan eta Araban, ordea, beste alderdiekin adostasunak bilatu beharko dituzte, eta ikusteko dago zer gertatuko den eta zenbaterainoko eragina izango duen onartu nahi den araudian.
Behin Gobernu Kontseiluak ontzat emanda, proiektua Batzar Nagusietara igorriko da, taldeek eztabaidatu eta onartu dezaten. Aldundiak gaur nabarmendu duenez, "erreformak gizarteak dituen erronka nagusiei erantzuteko balioko du". "Pertsonen premietara bideratuta daude neurriak eta bete nahi erronkei lotuta", erantsi dute, erabakiaren berri emateko zabaldutako oharrean.
Arabako Foru Gobernuak joan den astelehenean onartu zuen zerga berrikuspenerako proiektua, eta Gipuzkoakoak bihar egingo du gauza bera. Lurraldeotan ere, ondoren batzar nagusiek emango beharko dute ontzat.
Neurriak
Araudi berriak jasotzen dituen berrikuntzen artean dago etxebizitza erosteagatiko edo alokatzeagatiko kenkaria kentzea, zergadunaren errenta 85.000 eurotik gorakoa denean. Orain etxebizitzagatiko kenkaria unibertsala da, eta kenkariaren onuradun izan daitezke zergadun guztiak, errenta-mugarik gabe.
Aldundiak dio emakumearen "diskriminazio positiboaren aldeko apustua" egiten duela ezarri nahi duten zerga sistema berriak, kenkari berrien bidez. "Hiru urtetik beherako adingabeak zaindu ondoren lan-merkatura itzultzeagatiko kenkaria (eszedentzia/lanaldi-murrizketa), 1.200 eurokoa emakumeentzat eta 1.500 eurokoa gizonentzat". Horrez gain, kenkariak jasotzen dira sozietateen gaineko zergan, "legez ezarritakoren gainetik bizitza pertsonala, familia eta lana bateragarri egiteko neurri berriak ezartzen dituzten enpresentzat".
Trantsizio berdearen inguruan, berriz, % 5eko edo % 10eko kenkariak proposatzen dira zero emisioko ibilgailu berriak erosteagatik, eta % 15ekoak ibilgailu elektrikoak kargatzeko puntuak ezartzeagatik. Halaber, kenkari berriak ezarri asmo dira etxebizitzen efizientzia energetikoa hobetzeko obrengatik.
Zure interesekoa izan daiteke
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.