Material falta eta soldata atzerapenak salatu dituzte Arrigorriagako Arandia adinduen egoitzako langileek
Arrigorriagako (Bizkaia) Arandia adinduen egoitzako langileek elkarretaratzea egin dute astearte honetan, zentroaren aurrean, "lanerako material falta eta soldatak atzerapenekin ordaintzen dituztela" salatzeko, ELAk jakinarazi duenez; gainera, zuzendaritzak "errespetu faltak eta eguneroko presioak" egiten jarraitzen duela salatu du sindikatuak.
ELAk ohar batean azaldu duenez, Domus VI taldeko zahar-egoitza horretako langileek "segurtasuna bermatzen ez den baldintzetan lanean jarraitzen dute", eta egoera hori "larriagotu" egin da "azken asteetan". Hori dela eta, arrisku psikosozialak ebaluatzeko txostena eskatu dio ELAk enpresari.
Sindikatuak salatu duenez, "langile falta konpondu gabe jarraitzen dute" egoitzan, eta "ez da ez baja kasuetan ez oporraldietan ordezkapenik egiten", eta "ez dago lan osasunaren inguruko neurririk", besteak beste, eskularruak, garabiak eta aldagelak zaharkituta edo egoera txarrean baitaude.
Soldatak "atzerapenez" ordaintzen direla ere kritikatu du, eta, gainera, salatu du lan egindako jai egunak "ez dizkietela ordaintzen ezta hartzen uzten ere".
Abenduaren amaieran langileen ordezkariek egoitzaren zuzendaritzarekin eta dagokion lurralde zuzendariarekin bilera egin zuten arren, "euren lan eskubideak errespeta daitezela" eskatzeko, ez da "inolako aurrerapausorik egin, promesa faltsuetatik harago", ohartarazi du ELAk.
"Are gehiago, langile eta material faltaren egoerak okerrera egin duela salatu dute langileek azken asteotan", adierazi du. Horregatik guztiagatik, mobilizazioekin jarraitzeko asmoa dute.
Zuzendaritza, "konponbide bila"
Bestalde, zentroko zuzendaritzak adierazi du euren lehentasuna "egoiliarren eta langileen ongizatea" dela.
Era berean, nabarmendu dute "konpromisoa" dutela langileekin batera "konponbideak bilatzeko", "egoiliarren eta talde guztiaren beharrei erantzuteko".
"Ulertzen ditugu sektore soziosanitarioaren erronkak, batez ere kontratazioari dagokionez, eta esfortzuak egiten jarraituko dugu txanda egokiak eta kalitatezko arretak bermatzeko", erantsi dute.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.