Zedarriak: "Euskadik urtean 5.000 milioi euroko inbertsio publiko-pribatua behar du 2025 eta 2030 artean"
Zedarriak enpresa-hausnarketarako foroak uste du Euskadik 5.000 milioi euroko inbertsio publiko-pribatuaren erritmoa behar duela 2025-2030 aldian, Europar Batasunean berrikuntzan eta lehiakortasunean lider gisa finkatzeko.
Proposamen hori Zedarriak foroak bere seigarren txostenean, "Euskadi eta Europar Batasuna: oparotasunaren eta lehiakortasunaren helmuga partekatua" izenekoan, aurkeztutako ekintza-plan baten parte da. Datuok Draghi eta Letta txostenetan oinarrituta daude.
Dokumentuak aztertzen ditu Euskal Autonomia Erkidegoak testuinguru global konplexuan dituen erronkak eta aukerak, eta proiektu eraldatzaileak bultzatzeko eragile ekonomiko eta sozialen arteko lankidetzaren beharra azpimarratzen du.
Planak Euskadiren posizioa indartzeko funtsezkoak diren hainbat arlo nabarmentzen ditu. Besteak beste, industria trantsizio berdera eta digitalera egokitzea I+G+Bko inbertsioen bidez, talentua erakartzea eta hari eustea, eta Europar Batasunaren erabaki estrategikoetan presentzia handiagoa bermatzea.
Halaber, Europako funtsen itzulera maximizatzea eta EAEko gizartea etorkizuneko erronketarako prestatzea proposatzen du, hezkuntza egokituan eta herritarren parte-hartze aktiboan oinarrituta.
Foroak uste du premiazkoa eta funtsezkoa dela neurri horiek ezartzea, Euskadik lidergo ekonomiko eta sozialari eutsi diezaion eta Europako proiektua indartzen lagun dezan.
Mikel Jauregi Industria, Trantsizio Energetiko eta Jasangarritasuneko sailburuak txostena aurkeztu ondoren hedabideei egindako adierazpenetan esan duenez, "ziurgabetasun garaiotan, inoiz baino beharrezkoagoa da gizarte zibila inplikatzea", "guztion artean" industria-politika "eraginkorragoa eta inklusiboagoa" egiteko.
Horrez gain, Euskadik eta Europak bizi duten egoerari buruz Zedarriak foroak egin duen diagnostikoarekin bat datorrela esan du, baita "proposatzen dituen gomendioekin sortu nahi duen" eztabaidarekin ere. "Ikuspuntu horretatik, bat gatoz Europa eta industria gehiago behar ditugula", azaldu du.
Zedarriak enpresa-, ekonomia-, gizarte- eta akademia-arloetako eragile garrantzitsuak biltzen dituen foro edo plataforma bat da, eta Euskal Autonomia Erkidegoaren garapenerako eta lehiakortasunerako proposamen estrategikoak sustatzea du helburu. Talde horren helburua da Euskadi berrikuntzaren, jasangarritasunaren eta gizarte-kohesioaren erreferente gisa sendotzea, erronka eta aukera globalekin bat etorriz.
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.