LABek ez du Osasun Mahaiaren biharko bileran parte hartuko, dokumentu osoa errefusatu duelako
LAB sindikatuak ez du parte hartuko biharko deituta dagoen Osasun Mahaiaren bileran, ez dagoelako ados bigarren faseko ondorio gisa jaso duten dokumentuarekin ('Ikuspegia, Balioak eta Printzipioak'), eta hori erakutsi nahi dute biharko batzarrari uko eginda.
Lehenengo fasean ere, 'Diagnostikoa' izeneko dokumentuaren bozketan, desadostasuna azaldu zuen LABek, boto partikularra emanez. Salatu dutenez, Mahaiak eta Eusko Jaurlaritzak ezkutatu egin zuten boto hura. Oraingoan, "boto partikularra ezkutatzea saihestu" nahi dute.
Dena dela, ondoren egingo den hirugarren eta azken fasera berriro batuko da LAB. 'Estrategiak' dokumentua adostu nahi da azken txanpa horretan, eta sindikatuak uste du "funtsezkoa" dela bertan egotea.
Xabier Ugartemendiak (Zerbitzu publikoen Federazioako arduraduna) eta Maider Portolesek (Osakidetzako arduraduna) osasun mahaiaren ibilbidearen inguruko balorazioa egin dute eta etorkizunera begira izango duten posizioa jakinarazi dute.
Gogorarazi dutenez, asteazken honetan bilduko da, bosgarrenez, Osasun Mahaia, eta, horrenbestez, amaiera emango zaio 'Ikuspegia, Balioak eta Printzipioak' izeneko bigarren faseari.
LABeko arduradunek adierazi dutenez, sindikatua ez dago ados bigarren fase horretako behin betiko dokumentuarekin. Izan ere, osasun-sistemaren funtsezko printzipioen artean ez dira jaso "funtsezkoak" diren gaiak.
LABek azken dokumentuan hobekuntzak sartzea lortu duela azaldu ondoren, esan dute ez daudela ados dokumentu osoarekin; izan ere, "ez da esklusibotasuna jorratu nahi sistema publikoa indartzeko ezinbesteko neurri gisa, ezta osasun-zerbitzua titulartasun publikotik eta baliabide publiko eta propioekin ematea ere, Osakidetza bere dekadentziara eraman duten arrazoi nagusietako bat pribatizazio-kanporatze politikak izan direnean".
"Gerora finkatu beharreko estrategia egokiak erabakitzeko funtsezko elementuetako bi dira", azpimarratu dute. Gainera, salatu dutenez, aurreko fasean, diagnostikoari buruzkoan, "Osasun Mahaiak eta Eusko Jaurlaritzak egon diren ahots kritikoak isilarazi eta ezkutatu nahi izan dituzte"; izan ere, "lehen fase horren amaieran publikoki adierazi zuten adostasun osoa eta zabala egon zela, baina ez zen halakorik izan, diagnostikoaren fasean LABek bere boto partikularra aurkeztu zuelako".
Zentzu horretan, Eusko Jaurlaritzari leporatu diote "boto partikular hori ezkutatzea existitzen ez den erabateko adostasuna irudikatzeko, adostasunak eraiki beharrean".
LABeko arduradunek adierazi dutenez, "metodologiari buruz alde bakarretik hartu dituzten erabakiek eta adierazpen publikoek agerian utzi dute prozesuaren atzean adostasunak irudikatzea dela nagusi".
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.