Zein da medikuen borondatezko erretiro adina Europan?
Medikuen eskasia ageriko arazoa da Europa osoan eta estatu askok erretiro aktiboa bultzatzeko erabakia hartu dute, besteak beste, 72 urte arte lan egin eta aldi berean pentsioa kobratu dezaten.
Zein da medikuen borondatezko erretiro adina Europan?
Frantzian, medikuek 72 urtera arte lan egin dezakete baldin eta lanaldi partzialean eta erresidentzietan aritzen badira. Gobernuak onura fiskalak ere aplikatu izan dizkie lana pentsioarekin uztartzea erabaki dutenei. Hala ere, azken aldian gero eta gutxiago dira 65 urtetik aurrera lanean jarraitzea erabakitzen dutenak, eta, ondorioz, onura fiskal hori bertan behera gelditu da.
Italian, Frantzian bezala, gehienezko erretiro adina 72 urtekoa da. Italiako Gobernuak egindako kalkuluen arabera, 40.000 mediku jubilatuko dira aurten eta gabezia horri aurre egiteko familia medikuak erakarri nahi ditu. Esaterako, 68 urte beteta dituzten medikuek bere kontsultan gazte bat hartu dezakete eta gaixo batzuen gaineko ardura berari eman, soldata partekatzearen truke.
Portugalen erretiro adina 66 urtekoa izan arren, osasun-zerbitzu publikoak erretiratutako 900 mediku kontratatu ditu. Horretarako, nahikoa izan dute gai direla egiaztatzen duen azterketa bat egin. Trukean, ordutegia aukeratu eta pentsioa eta soldataren % 75 kobratu dezakete.
Alemanian, medikuek 67 urtera arte lan egin dezakete osasun-sistema publikoan. Horrez gain, gobernuak onura fiskalak onartu ditu erretiro adinaz harago ere lanean jarraitu dezaten.
BBVA Institutuaren arabera, erretiroa hartzeko adina, batez beste, 65 urtekoa da Europar Batasuneko herrialdeetan. Hala ere, hainbat estatukidek 67 urtera atzeratzea erabaki dute.
Zure interesekoa izan daiteke
Urrian langabezia-tasa % 0,60 igo da EAEn eta % 2,04 Nafarroan, irailarekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazioa % 1,32 hazi da EAEn eta % 0,89 Nafarroan.
Petronorreko gatazkak bere horretan dirau: langileek ez dute akordioa onartu eta greba mugagabean jarraitzen dute
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.
Astelehen honetan hasiko dira sailburuak beren sailetako aurrekontuak Legebiltzarrean aurkezten
2026ko aurrekontuen egutegiaren arabera, osoko zuzenketen bilkura datorren abenduaren 9an egingo dute, eta Ogasun eta Aurrekontu Batzordeak landutako irizpena eztabaidatzeko osoko bilkura, abenduaren 23an.
Kamioilari bat zauritu da Taxoaren, deskargatzen ari zen metalezko fardel bat gainera erorita
59 urteko gizona Nafarroako Unibertsitate Ospitalera eraman dute, pronostiko erreserbatuko kolpe ugarirekin. Larunbat honetan, lanean ari zela gertatu da istripua.
MasOrange osoa eskuratzeko akordio ez-loteslea iragarri du Orangek
Operazioa urte honen amaieran egitea aurreikusten du. Horrela, Euskaltel, MasOrangen integratuta dagoena, enpresa frantsesaren eskuetara igaroko da.
Dozenaka kamioik trafikoa oztopatu dute Iruñean, baldintza hobeak aldarrikatzeko
Tradisna elkarteak hilabeteak daramatza "fiskalitate justua", garraio astunari bidesarien kobrantza etetea edota azpiegiturak hobetzea aldarrikatzen.