Medikuak grebara itzuliko dira Nafarroan, lan-hobekuntzak eskatzeko
Nafarroako Medikuen Sindikatuak grebara deitu ditu astelehen honetan hasi eta apirilaren 6ra arte Nafarroako medikuak.
Deialdiari eusteko arrazoien artean daude Nafarroako osasungintzaren egungo egoera, Foru Gobernuarekin eta Osasun Departamentuarekin elkarrizketarik eza, iraganean adostutako akordioak ez betetzea eta 2025eko Foru Aurrekontuen Legearen barruan medikuentzat lan-hobekuntzarik ez jasotzea.
Sindikatuak aldarrikapen asko dituen arren, greba honen oinarrian medikuentzat lehentasunez negoziatu beharreko bi gai daude. Alde batetik, "medikuen lan-gainkarga jasanezinari amaiera eman behar zaio; pazienteei behar den denbora eskaintzea eragozten du, eta Administrazioak lanaldiaz haragoko lanordu gehiegi egitera behartzen du, mugarik gabe, zerbitzuaren beharrak aitzakiatzat hartuta". Eta, bestetik, "inguruko gainerako erkidegoekin lehiakor egingo gaituzten lan-baldintza orokorrak hobetzea, tartean BAME aldia A mailako karrera profesionalean txertatzea". Izan ere, azaldu dutenez, "Nafarroakoak dira BAME (barneko mediku egoiliarrak) aldia karrera profesionaletik kanpo dauden osasun-langile bakarrak, eta diskriminazio hori onartezina da".
400 euroko soldata igoera
Medikuen Sindikatuak greba mugagabea egin zuen 2023ko otsailean, eta orduan Osasun Departamentuak lan-baldintzen hobekuntza batzuk sinatu zituen, besteak beste, 400 euroko igoera nominetan.
Era berean, lanpostu-osagarri bat ezarri zen Lehen Mailako Arretako taldeetako eta ospitalez kanpoko larrialdi-zerbitzuetako administrarientzat; lekualdatzeagatiko beste kalte-ordain bat ezarri zen betetzen zailak diren plazak betetzen dituzten Lehen Mailako Arretako taldeetako langileentzat, eta eguneratu egin zen aurrez aurreko eta lokalizatutako guardiako txandetako lansaria.
Horrez gain, sendagile bakoitzak egunean gehienez ere 32 paziente izatea ezarri zen, eta aurrez aurreko pazienteko 12 minutuko tartea. Pediatren kasuan, adostu zen gehienez ere egunean 24 paziente izatea.
Ordutik, sindikatuak salatu du ez direla bete sinatutako akordioak. 2024ko urrian bertan behera utzi zuten greba, pazienteei kalterik ez egiteko, baina oraingoan berriro deitu dute, eta ia hilabeterako, gainera.
Nafarroako Gobernuak bere jarrerari eutsi dio
Greba deialdia iragarri zenetik, Osasun Departamentuak ez du adierazpenik egin jendaurrean, baina Amparo Lopez Nafarroako Gobernuko bozeramaileak adierazi du "greba batzorde bat" sortuko dela "dagozkion negoziazioetarako".
Lopezen arabera, lanean jarraitzen dute "pazienteen arazoak benetan konponduko dituzten neurriak hartzeko. Profesionalek ere kezkatzen gaituzte, eta, ildo horretan, zerbitzua hobetzeko" lanean ari dira. Hala ere, azpimarratu duenez, "ezin da estamentu bakar baten aldarrikapenei bakarrik erantzun, egungo egoera ekonomikoa eta sanitarioa oso-osorik hartu behar da kontuan".
Horren hitzetan, "grebak langileen tresna bat dira, eta inoiz ez da grebarako une egokia". Hori dela eta, Gobernuak "eragina minimizatzea eta egoera horrekin lehenbailehen amaitzea" bilatuko duela esan du.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.