Automobilgintza-enpresentzako laguntza berriak iragarri ditu Jauregik
Donald Trump AEBko presidenteak abiatutako "merkataritza-gerra kaotikoak" mundu osoan eragin duen "ziurgabetasunaren" aurrean, EAEko enpresen "bidelagun" izan nahi du Eusko Jaurlaritzak, eta bide horretan, laguntza berriak iragarriko ditu gaur arratsaldean automozioaren sektorearentzat
Mikel Jauregi Eusko Jaurlaritzako Industria, Trantsizio Energetiko eta Jasangarritasuneko sailburuak egin du iragarpena, Acicae automozioaren euskal klusterrak Zornotzan antolatu duen jardunaldian. Esan duenez, arratsaldean bilduko da Industriaren Defentsarako Taldea, eta bertan jakinaraziko dituzte laguntzak.
Kezka agertu du Jauregik, Trumpek AEBtik kanpo ekoitzitako ibilgailuei ezarriko dizkien muga-zergek izango duten inpaktuagatik, eta agindu du "ziurgabetasunaren aurrean ziurtasuna" eskainiko duela Jaurlaritzak.
'Automozioaren Sektorearen Desafioak' goiburupean antolatu du Acicaek jardunaldia. Sarrera hitzaldian, sailburuak sektoreak euskal ekonomian duen garrantzia eta pisua nabarmendu ditu, zenbait datu emanda: 300 enpresa inguru biltzen ditu klusterrak, 740 planta inguru dituzte mundu osoan, eta 140.000 pertsonak egiten dute lan horietan. 2023an, 25.000 milioi euro baino gehiago fakturatu zuen automozioaren sektoreak EAEn.
Sailburuaren hitzetan, "industriak gure herriari egiten dion ekarpenaren isla da automozioa: ongizatea, aurrerapena, aberastasuna eta kalitatezko enplegua sortzen ditu". Hori dela eta, "industria gehiago eta hobearen" alde lanean jarraitzeko konpromisoa berretsi du.
"Neutraltasun teknologikoa"
Automozio sektoreak parez pare dituen erronkak ere aipatu ditu, horien artean nagusia, "deskarbonizazioa". Zentzu horretan, uste du "ibilgailu elektrikoaren aldeko apustuak" ez dituela aurreikusitako emaitzak eman, eta beste formula batzuk bilatzearen alde egin du, "0 isurien helburuari uko egin gabe". "Neutraltasun teknologikoa da bidea", esan du.
Jauregiren arabera, hainbat faktore uztatu beharko dira erronkei aurre egiteko.
Albiste gehiago ekonomia
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".