Lan eta Ogasun ministerioek negoziazioa hautsi dute, LGSaren zergei buruzko akordiorik gabe
Lan Miniterioak eta Ogasun Ministerioak eten egin dute lanbidearteko gutxieneko soldata (LGS) jasotzen dutenek PFEZa ordaindu gabe jarraitzeko negoziazioa, akordio bat lortzea ezinezkoa izan delako.
Yolanda Diaz Lan ministro eta bigarren presidenteordeak Telecincon egindako elkarrizketa batean azaldu duenez, Maria Jesus Montero lehen presidenteorde eta Ogasun ministroak negoziazioa hautsi du "mahaitik altxatu" delako akordiorik lortu gabe.
Diazen hitzetan, atzo, gaueko hamarretan, Monterok "mahaitik altxatzeko agindua eman zuen", eta kritikatu du ministroari iruditzen zaiola "LGSa oso handia dela Espainian".
Ministerio horiek gai horri buruzko desadostasuna Kongresura eramatea saihestu nahi zuten, eta ostiral honetan Gobernuaren betoa iritsi da Sumarren, Podemosen eta PPren lege-proposamenetara, LGSa PFEZtik salbuesteko.
Bestalde, Diazen aburuz, "norbaitek betoa jartzen duenean, eztabaida galdu du", eta are gehiago kontuan hartuta "ados gaudela alderdi politiko guztiak izapidetzeak (lege-proposamenak) aurrera eramatearekin".
Ogasunaren datuen arabera, LGSa jasotzen dutenen % 80k ez lukete zerga ordaindu beharko igoeraren ondoren, eta gainerako % 20ak 20 euro inguru baino ez lituzkete ordainduko.
Diazek azaldu duenez, Ogasunaren proposamena, planteatuta dagoen bezala, Europako Gutun Sozialak ezartzen duenaren aurka doa. Gutun horren arabera, gutxieneko soldata batez besteko soldata garbiaren % 60 izan behar da gutxienez, hau da, "zergarik gabe".
Salbuetsitako minimoa igotzen ez bada, "ezin dugu ziurtatu batez besteko soldata garbiaren % 60", atxikipena aplikatuko bailitzateke, hileko soldata garbiari 22 euro kenduta, 1.184 euroan (iaz baino 50 euro gehiago).
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.