2027tik aurrera autobietan kamioientzako bidesariak ezartzea planteatu du Arabako Foru Aldundiak
Arabako Foru Aldundiak planteatu du AP-68 autobideko bidesaria mantentzea ibilgailu guztientzat, baina "askoz txikiagoak" izango diren tarifekin, eta 2027tik aurrera pixkanaka gainerako errepideetan kamioiei soilik bidesariak ezartzea, A-1 eta N-240 errepideetatik hasita.
Jon Nogales Mugikortasun Jasangarri eta Errepide Azpiegituren diputatuak proposamenak aurkeztu ditu gaur Arabako Batzar Nagusietan. Era berean, kontratatutako azterlan teknikoen ondorioak azaldu ditu, gaitasun handiko ererpideak kudeatzeko eta finantzatzeko eredurik egokiena zehazteko.
Proposamenak sistema misto bat definitzen du, 'free-flow' teknologia eta AP-68aren kasuan hesia duten bidesariak konbinatzen dituena; eta 'free-flow' sistema bakarrik gaitasun handiko gainerako errepideen kasuan. Bestalde, hobari programa bat aurreikusten du ohiko erabiltzaileentzat. Halaber, ezartzen du sortutako baliabide guztien helburua izango dela "Foru Errepide Sarea kontserbatzea eta modernizatzea".
Planteamendua Arabako Gaitasun Handiko Errepideak Finantzatzeko eta Kudeatzeko Sistemari buruzko lantaldearen azken txostenari buruzko akordio politikoan oinarritzen da. "Arabarren zergak ezin direla izan errepideak kontserbatzeko eta modernizatzeko finantziazio iturri bakarra", ondorioztatu du diputatuak.
Aldundiak 12 milioi euro bideratzen ditu, batez beste, Foru Errepide Sareko 1.400 kilometroak kontserbatu eta mantentzera. Hala ere, INECO enpresaren azterlanaren arabera, "soilik gaitasun handiko 168 kilometroak konpontzeko eta mantentzeko urteko inbertsioa 16 milioi eurokoa izan beharko litzateke".
Foru diputatuak nabarmendu duenez, "eredua ez da bideragarria"; izan ere, "baliabide publiko faltagatik inbertitzeari uzten zaion euro bakoitzak errepideak asko hondatzea dakar, eta konponketa lanak aurrera eramateko beharrezko inbertsioa biderkatu egiten da".
Arabat foru sozietate publikoa izango da AP-68 autobidean eta Arabako gaitasun handiko gainerako errepideetan ordainketa sistema kudeatuko duen erakundea.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".