IBEXeko enpresa handien 2025eko emaitzak: bankuak hazi egin dira, eta Repsolek eta Iberdrolak behera egin dute
CaixaBankek eta Banco Santanderrek hilabete oparoak bizi izan dituzte, merkataritza-jardueraren dinamismoak eta bankuei ezarritako zerga bereziaren kontabilitate-efektuak bultzatuta. Aurten, zerga hori hiruhilekotan banatuta aplikatzen ari zaizkie.
CaixaBankek 1.470 milioi euroko irabazi garbia izan du urtarriletik martxora bitartean, hau da, % 46,2ko igoera 2024ko lehen hiruhilekoaren aldean. Termino konparagarrietan, igoera % 6,9koa da; izan ere, aurten bankuei ezarritako kargaren % 25 baino ez da kontabilizatu, iaz sasoi berean ordaindutako guztiaren aldean.
Bere aldetik, Santanderrek 3.402 milioi euroko mozkinekin itxi du lehen hiruhilekoa (datu errekorra da), 2024ko aldi berean baino % 19 gehiago. Komisioengatiko diru-sarreren igoerak, kostuen murrizketak eta aldi baterako zergaren inpaktu txikiagoak ekarri zion susperraldia. Hiruhileko honetan, iaz 335 milioikoa izatetik aurten 87 milioikoa izatera igaro da.
Bankuen hasiera onaren aurrean, Repsolek 366 milioi euroko irabazi garbiak izan ditu martxora arte, 2024ko lehen hiruhilekoan baino % 62,2 gutxiago. Konpainiak testuinguru geopolitikoak eragindako "agertoki azidoa" nabarmendu du; energia-merkatuaren lurrunkortasun handia eta petrolio gordinaren prezioen eta fintzeko eta kimikako marjinen atzerakada aipatu ditu.
Iberdrolak ere % 27,4ko murrizketa izan du irabazi garbietan, 2.004 milioira arte; izan ere, 2024an aparteko gainbalioak izan zituen Mexikon aktiboak saldu baitzituen. Eragin hori kontuan hartu gabe, mozkin doitua % 26 hazi da urtetik urtera. Konpainiak 2025erako aurreikuspenak berretsi ditu eta 4.643 milioiko Ebitda erregistratu du, % 12 gehiago. Gainera, 17.300 milioiko inbertsio errekorrak egin ditu azken 12 hilabeteetan, aurreko urtean baino % 44 gehiago.
Volkswagenek jakinarazi du 1.831 milioi euroko irabazi garbiak izan dituela lehen hiruhilekoan, hau da, % 43,4 jaitsi da 2024ko aldi berarekin alderatuta. Konpainiak adierazi du 1.100 milioiko aparteko atzeraldi negatiboak eta Txinan irabazi gutxiago izateak eragin duela atzerakada. Audi, Porsche, Seat eta Skoda markek osatzen dute taldea, eta ziurgabetasun politikoaren, tentsio komertzialen, lehia gero eta handiagoaren eta lehengaien eta dibisen aldakortasunaren eraginaz ohartarazi dute.
Albiste gehiago ekonomia
EAJk eta EH Bilduk euskara LEPetan blindatzeko proposamenak izapidetzea ahalbidetu dute
Eusko Legebiltzarrak bi lege proposamen izapidetuko ditu euskara LEPetan blindatzeko, bata EAJrena, PSE-EE gobernukideak ez baina EH Bilduk babestu duena, eta bestea koalizio soberanistarena, jeltzaleen abstentzioari esker aurrera atera dena.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.