Espainiako Merkatu eta Lehia Batzordeak Sabadell erosteko baimena eman dio BBVAri
Espainiako Merkatu eta Lehia Batzordeak onartu egin du BBVAk Sabadell bankua erosteko operazioa, baina baldintzak jarri ditu. Erabakiak atea ireki dio Espainiako Gobernuari operazio horri buruzko iritzia emateko eta hura gauzatzeko baldintzak gogortzeko.
19:30ean amaitu den bilera luze baten ostean, Lehia Aretoak, bost kidek osatutakoak, tartean Cani Fernandez erakundeko presidenteak, aho batez onartu du txostena, boto partikularrik gabe, prozesutik gertu dauden iturriek jakitera eman dutenez.
Erakundeak operazioa konpromiso edo baldintza batzuk betetzearekin lotu duenez, ebazpena ez da irmoa, harik eta Carlos Cuerpo Ekonomia ministroak gaia Ministroen Kontseilura eraman arte.
Gobernua hasiera-hasieratik operazioaren aurka azaldu denez, ziurtzat jotzen da Cuerpok gaia Ministroen Kontseilura eramatea erabakiko duela arauak jasotzen duen 15 eguneko epean, nahiz eta BBVAk espero duen Merkatu eta Lehia Batzordearen baldintzak nahikoa izango direla Exekutiboaren zalantzak uxatzeko.
2007ko Lehiaren Defentsari buruzko Legeak argi uzten du baldintza horiek behar bezala arrazoitu beharko direla bestelako interes orokorreko arrazoiengatik, hala nola segurtasun nazionalagatik, ingurumenaren babesagatik edo berrikuntzaren sustapenagatik, adibidez.
Ez dago aurrekaririk, Espainiako Gobernuak ez baititu sekula gogortu bat-egite bat gauzatzeko baldintzak.
"Erakunde sendoagoa", BBVAren arabera
"Erakunde sendoagoa" eta "enpresak zein familiak finantzatzeko ahalmen handiagoa" duena eratuko da operazio honekin, Carlos Torres Vila BBVAko presidentearen arabera, horretarako urtean 5.000 milioi euro gehiago izatea aurreikusten baitute.
Horren esanetan, bere erakundeak Espainiako Merkatu eta Lehia Batzordearekin hartutako "konpromisoek" mesede egingo diete "lurralde kohesioari", "finantza-inklusioari" eta "autonomoentzako eta enpresa txikientzako maileguei". Konpetentzia "babesteko" balioko duela ere erantsi du, bereziki "presentzia handiago izango dugun lurraldeetan, Katalunian kasu".
Sabadell, kritiko metodologiarekin
Sabadell Bankuak, bere aldetik, Lehiarako Batzordeak eskaintza publikoari oniritzia emateko erabili duen "metodologia" kritikatu du. Finantza erakunde horren ustez, erabili den "metodologia ez da egokia", enpresa txikiei bideratutako bankuen arteko fusioak aztertzeko. Bat-egiteak bezeroengan izango duen eragina ez dela behar bezala aztertu salatu du Sabadellek, zabaldutako ohar batean.
Nolanahi ere, Cesar Gonzalez-Buenok zuzentzen duen erakundeak gogoratu du akziodunen esku dagoela azken erabakia, eta behin horretarako epea zabaltzen denean, BBVAk "operazioari buruzko informazio guztia, oraindik publikatu ez dena", Sabadellen akziodunen esku jartzeko eskatu du.
Illak "Kataluniaren interesak" defendatuko ditu
Salvador Illa Generalitateko presidentea ere mintzatu da gaiari buruz, X sare sozialean argitaratutako mezu batean. Bertan esan duenez, Generalitateak "Kataluniaren interesak defendatuko ditu, gauza guztien gainetik", eta informazio guztia "zorrotz" aztertu eta "zuhur" jokatuko dutela hitz eman du.
"Herrian eta industria sarean errotutako eta gizartearekin konpromisoa duen banku eredua du Kataluniak", gehitu du.
Ia urtebeteko operazioa
BBVAk duela ia urtebete jarri zuen abian Sabadellen akzioak erosteko eskaintza publiko oldarkorra, Kataluniako erakundea bere taldean sartzeko eta hiru urtean 850 milioiko aurrezkiak lortzeko asmoz. Cesar Gonzalez-Bueno Sabadell Bankuko kontseilari delegatuak uste du ezinezkoa dela hori lortzea bi konpainiek bat egin ezean.
Espainiako Gobernua BBVAk eta Sabadellek bat egitearen aurka agertu da hasiera-hasieratik, baina zalantza da zer egingo duen orain, operazioak Merkatu eta Lehia Batzordearen oniritzia aho batez jaso ondoren. Balore Merkatuaren Batzorde Nazionala erabaki horren zain zegoen.
Zure interesekoa izan daiteke
Bizkaiko eta Gipuzkoako arrantzaleek balorazio gazi-gozoa egin dute EBk ezarritako arrantza kuoten inguruan
Erdietsitako akordioa albiste txarra da Ondarroako alturako ontzientzat, besteak beste, legatzaren eta oilarraren kuotak jaitsi dituztelako. Kaltetuenak, baina, berdela amuarekin arrantzatzen duten ontzi txikiak dira, % 70 murriztu baitute harrapaketen kopurua. Baxurako arrantzaleentzat, aldiz, akordio “positiboa” da, hegaluzearen kuotari eutsi egin diotelako eta atun gorriarena eta antxoarena handitu direlako.
Ipar Euskal Herriko laborariek A64a blokeatu dute dermatosi nodularraren aurkako neurriak salatzeko
Mobilizazioak bart abiatu dituzte, errepidean traktoreak eta lasto fardoak jarrita. Gaixotasuna kontrolatzeko, neurri zorrotzak hartu ditu Frantziako Gobernuak, eta kasuren bat agertuz gero, etxaldeko behi guztiak hiltzeko agindua eman du. Abeltzainek astelehenera arte jarraituko dute protestan, Macronen gobernuari euren “haserrea” helarazteko.
Jaurlaritza berdelaren kuota murrizteak eragingo dituen galerak arintzeko neurriak bilatzen ari da
Bilerak deituko ditu kuota berrien eragin ekonomikoa aztertzeko eta galerak arintzen lagunduko duten neurriak aztertzeko. Gainera, beste espezie batzuentzat ere murrizketak aurreikusi ditu Europar Batasunak.
EBk % 73 murriztu du berdelaren kuota 2026ko lehen sei hilabeteetarako
Antxoari dagokionez, albiste onak euskal arrantzaleentzat, gehieneko muga baimendu baita (29.700 tonako harrapaketak). Onartutako kuotak ekainera arte egongo dira indarrean, negoziazio berrien zain.
EBk 3 euroko tasa ezarriko die uztailetik aurrera Shein eta Temu plataformetan egindako erosketei
2028rako aurreikusitako behin betiko muga-zergen erreforma indarrean sartu arte egongo da indarrean. Erreforma horren bidez, EBk amaiera eman nahi dio 150 eurotik beherako balioa duten produktuak muga-zergak ordaintzetik salbuetsita egoteari.
Aurreko egunetako antzerako jarraipena izan du medikuen grebak ostiralean EAEn
Osakidetzak emandako datuen arabera, goizeko txandan % 19,63k egin du lanuztea eta arratsaldekoan, berriz, %9,22k.
Talgoko Batzarrak kapitala handitzea eta Sidenor eta SEPIren sarrera onartu ditu, Eusko Jaurlaritza barne
Konpainiak "laster" formalizatuko du Sidenor buru duen euskal partzuergoak konpainiaren % 29,76 eskuratzea. SEPIk 45 milioi euro jarriko ditu kapitalaren % 7,8 kontrolatzeko, 4,25 euro akzioko, kapital-gehikuntzara joz.
Pozik hartu dute Arabako erresidentzietako langileek gatazkaren konponbidea, 6 urteko borrokaren ondoren
Soldata % 32,5 igoko zaie eta hilean 1.500 euro gordin irabaztera iritsiko dira. Elkarrekin-Podemosek aurrekontuak onartzeko baldintza gisa gai hau jarri izana eskertu dute.
Bisigua, zapoa, itsaskiak... Zenbateko astindua izango da Eguberrietako menua gure poltsikorako?
Gabonak ate-joka ditugu eta MercabIlbao elikagaien banaketarako funtsezko nodoa da. Txikizkariak bertara joaten dira produktuak erostera, ondoren haien dendetan saltzeko. Gaur, goizean zehar, etengabe ikusi ditugu alde baterik bestera produktuak begiratzen eta erosten. Zer igo da gehien egun hauetan? Zer saltzen da gehien?
EAJk eta PSE-EEk oposizioaren babesik gabe onartuko dituzte Bizkaiko 2026ko Aurrekontuak
Bizkaiko Batzar Nagusiek atzera bota dituzte oposizioak aurkeztutako hiru osoko zuzenketak. Gauzak horrela, 2026ko aurrekontu proiektuak beste aurrerapauso bat eman du, behin betiko onespena eman aurretik.