Sindikatuek Hezkuntzaren proposamena errefusatu dute eta beste bat espero dute ostiralerako
Steilas, LAB, ELA eta CCOO sindikatuek ez dute begi onez ikusi Hezkuntza Sailak lan-gatazka desblokeatzeko aurkeztu duen proposamena, eta, horri uko eginda, ostiral honetan beste dokumentu bat jasotzekotan gelditu dira. Hori dela eta, datorren astean eskola publikoan egingo diren grebei eutsiko zaie.
Hala baieztatu diete berri agentziei sindikatu horietako batzuek, eta aderazi Hezkuntzaren proposamena ez dela nahikoa euren ustez.
Azaldu dutenez, Hezkuntza Sailak beste proposamen bat bidaltzeko konpromisoa hartu du, eta ostiralean negoziazio-mahaian eseriko dira berriro.
Gauzak horrela, sindikatuek datorren astean, maiatzaren 12tik 16ra deituta dauden greba egunei eusten diete. Hezkuntza ez unibertsitarioko 27.000 irakasle daude grebara deituak. Grebak 180.000 ikasle ingururi eragingo die.
Halaber, indarrean jarraitzen dute hiru euskal hiriburuetan larunbaterako deituta dauden manifestazioak ere.
LABeko iturriek adierazi dutenez, hezkuntza sistemara bideratu beharreko baliabideei inguruan Hezkuntzak gaur aurkeztutako proposamenak ez du ia berrikuntzarik jasotzen duela hilabete aurkeztu zirenekin alderatuta, eta plantilla gaztetzeko proposamenean "atzerapausoak" daude.
Ordainsarien igoerari dagokionez, Hezkuntza Sailak hiru urtetan % 6ko igotzea proposatu du, ehuneko horren % 3an igoera finko bate ezarriz eta beste % 3an aldakorra, Barne Produktu Gordinaren araberakoa, sindikatuetako iturrien arabera.
CCOOk ere errefusatu egin du soldata-eskaintza hori, eta adierazi du Hezkuntzaren proposamena "oso urrun" dagoela bere aldarrikapenetatik.
Miren Zubizarreta ELAko Hezkuntza arduradunak deitoratu du Eusko Jaurlaritzak egindako proposamenean ez agoela aurrerapausorik aurrekoarekin alderatuta. Are gehiago, kasu batzuetan "atzerapausoak" daudela nabarmendu du.
Zubizarretaren hitzetan, proposamen hori "ez da batere serioa", eta, horregatik, sindikatuek beste proposamen bat egiteko eskatu diote Sailari, ostiralean egingo duten bilerari begira.
Azaldu duenez, Lehen Hezkuntzan ratioak ezartzeko proposamena "oso eskasa da, sinbolikoa", eta "albiste ona den arren, ez da nahikoa", etapa guztietara zabaldu beharko litzatekeelako, eta ez Lehen Hezkuntzara bakarrik.
ELAko arduradunaren ustez, soldatak igotzeko azken proposamenarekin ez zaio irakasleen eros-ahalmenaren galerari buelta ematen eta erretiroei dagokienean ere "atzerakada" izan da.
Sindikatuek adierazi dutenez, "negoziatzeko borondatearekin" baina "eszeptizismo handiarekin" joan dira bilerara, bilera hasi baino hiru ordu lehenago jaso baitute Hezkuntzaren proposamena.
Sindikatuen aldarrikapenen artean daude lan-kargak murrizteko, erretiro-baldintzak hobetzeko eta plantillak gaztetzeko neurri zehatzak adostea, bai eta galdutako erosteko ahalmena berreskuratzea, enplegu publikoa bermatzea eta lanpostuak egonkortzea ere, alde bakarrez erabakitzen ari diren zentro publikoen bat-egiteen eta itxieren aurrean.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.