BSHren Ezkirotzeko enpresa-batzordeak lantegiaren itxiera saihesteko eskatu dio Europako Batzordeari
PSOEko, Sumarreko, EH Bilduko eta EAJko eurodiputatuek lagunduta, beharginen ordezkariak Bruselako agintariekin bildu dira.
BSH Ezkirotzeko enpresa-batzordea Bruselan. Argazkia: EFE
BSH konpainia alemaniarrak, etxetresna elektrikoen ekoizleak, Ezkirotzen (Nafarroa) duen lantegiko enpresa-batzordeak gaur Bruselari eskatu dio bitartekari lanak egiteko, itxiera saihesteko. Erabaki horrek mila pertsona ingururi eragingo lieke, zuzeneko eta zeharkako lanpostuen artean, eta Europako Batzordeak multinazionalarekin "interlokuzioa" izatea espero dute beharginen ordezkariek.
PSOEko, Sumarreko, EH Bilduko eta EAJko eurodiputatuek lagunduta, enpresa-batzordea Stephane Sejourne EBko Oparotasun eta Estrategia Industrialeko presidenteordearen eta Roxana Minzatu Enplegu komisarioaren kabineteekin bildu da gaur.
"Gure egoeraren azalpen nahiko zehatza eman dugu, eta badakigu kudeaketak egingo dituztela multinazionalarekin hitz egiteko, eta ea emaitza ematen duten. Denbora urrea da, eta helburua aukera fidagarri eta egingarri hori lortzeko epea malgutzea da", laburbildu du Juan Jose Hermoso enpresa-batzordeko ordezkariak.
Hermosok azpimarratu du inbertitzaile batzuek proiektu industrialari eta BSH Ezkirotzeko langileei jarraipena eman nahi dietela, eta ohartarazi du multinazionalaren barruan "erreferente" diren mila langile familia baino gehiagoren etorkizuna dagoela jokoan.
Alemaniako BSH konpainiak astelehenean helarazi zien Nafarroako Gobernuari eta Industria Ministerioari ez duela atzeratuko kaleratzeak abiatzeko finkatutako data (ekainak 17), eta Ezkirotzeko lantegiaren itxiera aurrera eramango duela.
"Zentzugabekeria"
"Zentzugabekeria da atzo iragarri ziguten erabakia, eta esan behar dugu, halaber, BSH Ezkirozeko beharginen bizitza erabat mespretxatzeko jarrera agerian dagoela", deitoratu du Hermosok.
Langileen ordezkaritza Nafarroako eta Espainiako gobernuekin bat dator berrindustrializazioaren aldeko apustuan, eta Europako Batzordearen "babes instituzionala" bilatzen ari da orain, denbora irabazteko Alemaniako enpresarekin hitz egin dezan.
"Nafarroako Gobernuak eta gizarte osoak ez dute ulertzen erabakia, ez gatoz bat eta hanka-sartze bat dela uste dugu", adierazi du Carmen Maeztu Nafarroako Gobernuko Eskubide Sozial, Gizarte Ekonomia eta Enplegu kontseilariak.
Europako Parlamentutik, Elena Sancho (PSOE), Estrella Galan (Sumar), Pernando Barrena (EH Bildu) eta Oihane Agirregoitia (EAJ) eurodiputatuak izan dira enpresa-batzordearekin. BSHren erabakia "okerra" edo "arduragabea" dela kritikatu dute ordezkari politikoek.
Ekonomiari buruzko albiste gehiago
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.