664 pertsona edo enpresak 322,4 milioi euroko zorra dute Nafarroako Ogasunarekin
Nafarroko Gobernuko Ekonomia eta Ogasun Sailaren egoitza.
Nafarroako Gobernuak 2024ko abenduaren 31an Ogasunarekin zorrak zituzten pertsona eta enpresen zerrenda argitaratu du. Guztira, 664 zordun dira, aurreko urtean baino 11 gehiago. Guztien artean 322,4 milioi euro zor dituzte, 2,8 milioi gehiago.
Foru Gobernuak azaldu duenaren arabera, 42 zordun lehen aldiz agertu dira zerrenda horretan. Aldiz, 31 zerrendatik atera dituzte hainbat arrazoi medio, besteak beste, hartzekodunen lehiaketa amaitu delako, zorra 120.000 eurotik jaistea lortu dutelako edo ordainketen epeak luzatu direlako.
Zerga motari dagokionean, BEZa da zorrik handiena pilatzen duena: 105,1 milioi euro. Ondoren datoz zigorrak (60,3 milioi) eta epe barruan erantzun ez diren atzerapen-espedienteak (50,3 milioi).
Jarduera sektoreei begiratuta, eraikuntza/promozioa, merkataritza eta ostalaritza dira Ogasunarekin zor handiena dutenak. Sektore horietan dago zor guztiaren % 55a, 178,3 milioi euro.
219 zordun eraikuntza sektorekoak dira. Halaber, zor duten kantitatea jaitsi egin da aurreko urtearekin alderatuta eta 107,5 milioitan gelditu da. Merkataritza eta ostalaritza sektoreetan 147 zordun daude eta 70,7 milioi euro zor dituzte.
Zordun mota eta helbidea kontuan hartuta, aldiz, % 76,31 pertsona juridikoak dira eta % 90,83k Nafarroan du egoitza.
Guztien % 9,64 (64 zordun) hartzekodunen lehiaketan daude.
Zordunen zerrenda argitaratuta, Nafarroako Ogasunak Zergen Foru Lege Orokorra betetzen du. Honen arabera, derrigorrezkoa da 120.000 eurokoa baino zor handiagoa duten pertsonen eta enpresen berri ematea; beti ere, zor irmoa bada eta abenduaren 31n bertan behera utzita edota atzeratuta ez badaude.
Albiste gehiago ekonomia
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.