Pentsiodunen mugimendua uztailaren 17an bilduko da lehendakariarekin, pentsioak gutxieneko soldatarekin berdintzea eskatzeko
Euskal Herriko Pentsiodunen Mugimenduak gutxieneko horretara iristeko osagarriak ezartzea eskatzen duen herri-ekimen legegilea erregistratu zuen Eusko Legebiltzarrean. Imanol Pradalesekin izango duten bileran legea izapidetzeko Eusko Jaurlaritza prest egon dadila eskatuko diote.
Maiatzean errejistratu zuen herri-ekimen legegilea pentsionisten mugimenduak. Argazkia: EITB.
Imanol Pradales lehendakariak Euskal Herriko Pentsiodunen Mugimenduaren ordezkariak hartuko ditu uztailaren 17an. Gutxieneko pentsioak lanbidearteko gutxieneko soldatarekin parekatzea eskatzen duen herri-ekimen legegilea babes dezala eskatuko diote.
Pentsiodunen plataformak udako geldialdiaren aurreko azken elkarretaratzea egin du astelehen honetan Gasteizko Plaza Berrian. Udako sasoiaren ondoren, irailean berrekingo diete protestei.
Elkarretaratzea hasitakoan, Imanol Pradalesekin bilduko direla iragarri dute. Azaldu dute bilera horretan herri-ekimenaren edukia azalduko diotela eta Eusko Jaurlaritzak legea Legebiltzarrean izapidetzearen aldeko jarrera agertzea eskatuko diotela.
Joan den maiatzaren 15ean erregistratu zuten Eusko Legebiltzarrean herri-ekimen legegilea eta hura babesten duten 145.142 sinadurak. Hala ere, sinaduren bilketa ez da amaitu, eta astelehenean egindako bilkuran ere jarri dute mahaia, horren aldeko sinadurak jasotzeko.
Prestazioak gutxieneko pentsioak osatzeko euskal sistema sortzea eskatzen du ekimenak. Proposamenaren helburua da Euskadin bizi diren eta erroldatuta dauden 60 urtetik gorako pentsiodun guztiek gutxieneko diru-sarrerak izan ditzatela, lanbidearteko gutxieneko soldataren parera iritsi arte. Aurten 1.184 euro gordin dira, 14 ordainsaritan banatuta.
Euskal sindikatu gehienek ere (ELA, LAB, ESK, STEILAS, Etxalde eta Hiru) babesten dute pentsiodunen mugimenduaren ekimena.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.