Bizkaiko anbulantzien "egoera larria" salatu du ELAk, eta publiko egitea eskatu du lizitazio berriaren aurrean
ELAk anbulantzia-zerbitzuaren egoera larria salatu du Bizkaian, eta zerbitzu hori publiko egitea eskatu du, osasun-garraioaren hurrengo lizitazioaren aurrean. Sindikatuak prentsa-ohar baten bidez jakinarazi duenez, egungo enpresak, UTE Bizkanbek, Grup La Pauk izan zuen bideari jarraitzen dio; izan ere, 2024aren amaieran utzi zuen zerbitzua, langileekin eta Ogasunarekin zorrak utzita.
Hala, ELAk Bizkanb aldi baterako enpresa-elkartearen kudeaketa kritikatu du; izan ere, larrialdiko kontratu bidez onartu zuten. Era berean, anbulantzien erabilera desegokia, larrialdietan gutxieneko dotaziorik ez izatea eta azterketa ergonomikoak aplikatzeari uko egitea salatu du.
Sindikatuak, gainera, lan sindikala oztopatzea eta aginte-egitura puztea leporatu dio enpresari. Zerbitzuak behar baino baliabide gutxiago dituela eta enpresak diru publikoarekin irabazi duela adierazi du. Horregatik guztiagatik, ELAk Eusko Jaurlaritzak zerbitzuaren kudeaketa zuzenean bere gain hartzea eskatu du, eta egungo langileak subrogatzea eskatu dio.
Ekonomiari buruzko albiste gehiago
Bizkaian aurkeztutako hamar errenta aitorpenetik zazpik diru-itzulketa jaso dute
Batez beste, 1.201 euro ordaindu zaizkie zergadunei, iaz baino 94 euro gehiago. Ordaindu beharreko aitorpena duten zergadunek, berriz, 2.653 euro ordaindu behar izan dituzte, batez beste.
Turismo-tasari % 100eko hobaria eman edo errekargua ezarri ahal izango diote udalek
Turismo-egonaldien gaineko zergak aplikazio orokorra izango du, espezifikotasun bereziekin (% 100eko hobariak edo errekarguak), udalerrietako ostatu-establezimenduen arabera eta udal-autonomiarako marjinarekin.
Bizkaiko metalgintzako enpresek 1400 lanpostu sortuko dituzte 2025ean, 2024an baino % 2,6 gehiago
Gainera, enpresa metalurgikoek fakturazioa "pixka bat" haziko dela eta eskaera-zorroak mantenduko direla uste dute, merkatua etengabe "hozten" ari dela eta eskaera-maila ohikoa baino baxuagoa dela kontuan hartuta.
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.
Euskadiko hotel-ostatuek duela urtebete baino ia % 10 bidaiari gehiago izan dituzte ekainean
Arlo guztietan gora egin dute ekaineko turismo datuek Euskadin; izan ere, hoteletako gelaren bataz besteko prezioa % 8 garestiago izan da, 138 eurokoa, eta gelen okupazioa, % ia 80koa, % 3 pasatxo altuagoa. Lurraldeka, Gipuzkoan izan du bidaiari-sarrera gorakada handiena, % 11,30, baina hiriburuen artean Bilbon hazi da gehien.