Osasun Ministerioak akordioa lortu du Medikuen Foroarekin, baina greba deialdiak bere horretan dirau
Ministerioak argitaratutako oharraren arabera, akordioak medikuen aldarrikapenei bide ematen die; lan-kontuetarako elkarrizketa zuzena izatea eta guardien ordainsaria hobetzea adostu dute. Medikuen sindikatuen konfederazioaren arabera, ordea, gatazka desblokeatzeko modu bakarra Greba Batzordeko kide guztiekin bilera formala deitzea da.
Fakultatiboen elkarretaratzea Donostiako ospitalearen aurrean. Argazkia: EFE.
Osasun Ministerioak iragarri du akordioa lortu duela Medikuntzako Foroarekin, medikuek Estatutu Markoaren aurka deitutako greba saihesteko helburuarekin. Medikuak biltzen dituzten sei sindikatuk ekainera arte hilero aste betez gelditzeko deialdiak egin zituzten eta Medikuen Sindikatuen Espainiako Konfederazioak (CESM) greba-deialdiak bere horretan jarraitzen duela baieztatu du.
Monica Garciak zuzentzen duen Ministerioak ohar bidez eman du akordioaren xehetasunak. Horren arabera, adostu duten testuaren edukiak medikuen aldarrikapenei bide ematen die. Besteak beste, lanbide-sailkapen berria, lan-arloko gaiak lantzeko zuzeneko kontaktua izatea, erretiro aurreratua eta guardien ordainsaria hobetzea adostu dute.
CESM konfederazioa Gobernuak akordioa lortu duen Foroko kide da, Elkargoko Mediku Erakundearekin (MME), Espainiako Mediku Elkarte Zientifikoen Federazioarekin (FACME), Medikuntza Fakultateetako Dekanoen Konferentzia Nazionalarekin eta Medikuntzako Ikasleen Estatuko Kontseiluarekin (CEEM) batera. Erakunde horiek guztiek lanuzteak deitu dituzten medikuen sindikatuen aldarrikapenak babestu dituzte.
Akordioa gorabehera, konfederazioak baieztatu du, oraingoz, greba-deialdiak bere horretan jarraitzen duela. Datozen hilabeteetarako ezarritako mobilizazioak Greba Batzordearen eskumena direla gogorarazi nahi izan du, eta, beraz, "egungo gatazka desblokeatzeko modu bakarra batzorde hori osatzen duten kide guztiekin bilera formala deitzea" dela uste du.
SMEren ordezkaririk gabeko akordioa
Euskadiko Sendagileen Sindikatuak (SME) ere greba deialdiekin jarraituko dutela adierazi du. SMEko iturrien arabera, gaurko egoera "atzoko bera da", eta agerian utzi dute euren ordezkariek ez dutela parte hartu Ministerioak iragarritako akordioa ekarri duen negoziazioan.
Beraz, momentuz, deitutako mobilizazio guztiak mantenduko dira. Medikuen grebaren hurrengo datak honako hauek dira: martxoaren 16tik 20ra, apirilaren 27tik 30era, maiatzaren 18tik 22ra eta ekainaren 15etik 19ra.
Bitartean, Osasun Ministerioak SATSE-FSES, CC.OO., UGT eta CSIF sindikatuekin hitzartutako Estatutu Markoaren erreformaren tramitazioa aurrera doa Espainiako Parlamentuan.
Zure interesekoa izan daiteke
Volkswagenek 50.000 lanpostu gehiago murriztuko ditu, erdiak Alemanian eta gainerakoak Europan
Volkswagen taldeak krisia bizi du, Txinako fabrikatzaileek Europan lehia gogortu, Txinan salmentak jaitsi eta AEBko muga-zergen ondorioz.
Lehorteak kaltetutako nekazarientzako laguntzak iragarri ditu Frantziak
Nekazarien ordezkariak datorren astean bilduko dira Frantziako Nekazaritza Ministerioarekin, euren eskaerak helarazteko. Lehortearen eta beroaren eragina arlo ekonomikoan nabaritzen ari da, baina baita fisikoan eta mentalean ere.
Ardogile bat hil da Lantziegoko upategi batean izandako istripuan
Ezbeharra 12:20 aldera jazo da, eta gertatutakoaren nondik norakoak ikertzen ari dira. Larrialdi-zerbitzuak bertaratu dira, baina ezin izan dute beharginaren bizia salbatu.
Zaballako sei funtzionariok kea arnasteagatik izandako lesioak "prebentzio gabezi larrien" ondorio izan ziren
ELAk jakinarazi duenez, Lan Ikuskaritzaren txosten batek "kausa-ondorio erlazio argia ezartzen du Administrazioaren omisioen eta lan-istripuaren artean".
Zerga-erreforma berriak langileen artean desberdintasunak ekarriko dituela salatu du ELAk
Euskadi Irratian egindako elkarrizketan Mitxel Lakuntza ELAko idazkari nagusiak kritika gogorra egin dio EAJk eta PSEk aste honetan iragarritako zerga-erreformarako akordioari, enpresen mesedetarako egin dela esanez.
Sanchezek AAren inguruko “itun nazional handia” sustatuko du eragile sozial eta politikoekin
Hitzarmenak trantsizioari aurre egiteko beharrezko elementuak ezarri nahi ditu, besteak beste, lan-merkatuan, erregulazio teknologikoan, inbertsioetan eta finantzaketan.
Tubos Reunidos erosteko eskaintzak aurkezteko epea luzatu du konkurtso-administratzaileak
Enpresa erosteko interesa omen dute hainbat eroslek. Hortaz, irailaren 30era arte luzatu du enpresaren informazioa eskuratzeko epea, eta urriaren 7ra arte eskaintzak aurkeztekoa.
Medikuen sindikatuek greba mugagabea egitea erabaki dute
Oraindik ez da zehaztu noiz eta nola egingo duten protesta. Dirudienez, iraila baztertu dute greba egiteko. Euskadiko Sendagileen Sindikatuak mobilizazio-deialdiarekin bat egingo du, orain arte bezala.
Langabezia % 2,36 igo da Nafarroan eta % 1,19 Euskadin abuztuan
Langabezia-tasa % 1,19 igo da Araban (210 pertsona gehiago), % 1,13 Bizkaian (677 pertsona gehiago) eta % 1,32 Gipuzkoan (371 pertsona gehiago). Nafarroan, % 2,36 igo da (681 langabe gehiago).
Abeltzaintzaren sektorea "haserre" eta "desengainatuta" irten da Bazkaren Mahaiaren bileratik
Espero zuten bezala, Eusko Jaurlaritzak bazka modu bateratuan erosteari uko egin dio, eta bertan erosteko "nahikoa bazka" badagoela adierazi du. Lehorte egoera ofiziala ezartzeko baldintzak ez direla betetzen azaldu diete. Ondorioz, ENBA eta ENHE sindikatuen arabera, baserritarrak "abandonatuta" utzi dituzte.