Mondragonek 11.322 milioiko salmentak izan ditu 2025ean, eta % 2,9ko igoera espero du aurten
Nazioarteko gatazkek sortzen duten ezegonkortasuna dela eta, 2026rako hazkunde aurreikuspenak “nahiko moderatuak” direla dio korporazioak.
Pello Rodriguez 2025eko balantzearen aurkezpenean. Argazkia: EFE
Mondragon Korporazioak 2025eko urteko balantzea aurkeztu du asteazken honetan. Ekitaldia ixtean, salmentak 11 322 milioikoak izan ziren, 2024an baino % 1 gehiago, eta 1.346 enplegu sortu ziren.
Emaitzak aurkezteko eskainitako prentsaurrekoan, Pello Rodriguez Mondragoneko Kontseilu Orokorreko lehendakariak “oso positibotzat” jo du urtea. Proiektu kooperatiboaren "sendotasuna" eta kooperatibek "eraldatzen ari den ingurune batera egokitzeko duten gaitasuna" azpimarratu ditu, "zalantzaz betetako" testuinguru geopolitikoa aipatuz.
Eskainitako datuei dagokienez, balantzearen arabera, emaitza garbi agregatua 618,8 milioikoa izan zen, 2024koa baino % 1,2 txikiagoa.
Dena den, korporazioaren arabera, 2025eko daturik aipagarrienetako bat 1.346 lanposturen sorrera izan da. Horrela, batez besteko plantilla 71.415 pertsonatan kokatu da eta EAEko enplegatzailerik handiena eta Nafarroako bigarrena bilakatu da.
Inbertsioen zifra 406 milioira iritsi zela ere azpimarratu du balantzeak, 2024an baino % 7,8 gehiago.
Hazkunde-itxaropen “moderatuak”
Hain zuzen ere, nazioarteko gatazkak -batez ere Iranen eta Estatu Batuen artekoa- dira 2026 honetako bilakaeran eragina izango duten faktoreetako bat.
Oraingoz, Rodriguezek aurreratu du urteko lehen lau hilabeteetako salmenten bilakaerak ildo positibo berean jarraitzen duela, 2025eko datuekin alderatuta % 2,5eko hazkundearekin.
Hala ere, zehaztu du 2026rako hazkunde aurreikuspenak "nahiko moderatuak" direla, nazioarteko gatazkak luzatzearen ondorioz. Izan ere, gatazka horiek "botila-lepo" kritikoa dira hornikuntza-kateentzat, petrolioaren prezioentzat eta energiarentzat, eta, beraz, kolokan jartzen dute munduko egonkortasun ekonomikoa.
Hala, Korporazioaren aurreikuspena da aurten 11.789 milioiko salmentak lortzea, hau da, % 2,9ko igoera. Enpleguari dagokionez, batez beste 72.424 langile izatea aurreikusten dute, 1.009 enplegu berri sortu ondoren.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".