Nafarroako Gobernuak 50 milioi euro jarriko ditu Hithium enpresa txinatarrarekin sortuko duen sozietatean
Baterien eta energia biltegiratzeko sistemen lantegiak 700 lanpostu sortuko ditu hasieran, eta bigarren fasean kopurua mila langilera irits daiteke.
Hithiumen inbertsio zuzendari Hao Wang, Maria Chivite Nafarroako presidentearekin eta Mikel Irujo Industria kontseilariarekin batera.
Nafarroako Gobernuak 50 milioi euroko ekarpena egingo dio Hithium enpresa txinatarrarekin eratuko duen sozietate mistoari. Konpainia ezarpen prozesuan aurrera egiten ari da, eta egun negoziazio betean dago sozietatea eratzeko eta 405 milioi euroko inbertsioa gauzatzeko.
Aurreikuspenen arabera, bateriak eta energia biltegiratzeko sistemak ekoitziko dituen lantegia 2027aren amaieran hasiko da lanean. Hasierako fasean 700 enplegu sortuko ditu, eta ondorengo hedapen fasean mila lanpostura irits liteke.
Partaidetza
Nafarroako Gobernuak % 33ko partaidetza izango du Hithiumekin sortuko den sozietatean. Horretarako, gehienez 50 milioi euroko kapital ekarpena egingo du, Sodena enpresa publikoaren bidez.
Bestalde, Hithiumek 100 milioi euro jarriko ditu, eta sozietatearen % 66 kontrolatuko duela azaldu du Mikel Irujo Nafarroako Gobernuko Industria kontseilariak.
Finantzaketari dagokionez, Txinako enpresa 174 milioi euroko banku mailegua negoziatzen ari da, eta, gainera, Trantsizio Ekologikorako Ministerioaren 81 milioi euroko dirulaguntzak jasotzea espero du; laguntza horien behin betiko ebazpena, hala ere, oraindik egiteko dago.
Proiektuak aurrera jarraitzen duen arren, zenbait urrats garrantzitsu bete gabe daude oraindik. Horien artean daude Txinako Gobernuaren behin betiko baimena eta lantegiaren kokapena zehaztea. Aukeretako bat da instalazioa Eskirozko (Eguesibar) BSHren lantegi ohian eraikitzea.
Zure interesekoa izan daiteke
Euskadi Europako Inbertsio bankuaren "bezero ona" dela nabarmendu du Nadia Calviñok, hainbat arlotan berrikuntza sustatzen du eta
Arantza Ruiz EITB Mediako Albistegietako zuzendariak Nadia Calviño Europako Inbertsio Bankuaren presidentea elkarrizketatu du ETB2ko 12 minutos saioan. Calviñoren arabera, nazioarteko tentsioak eta Ekialde Hurbileko gerrak markatutako testuinguruan, Euskadik ekonomia "indartsua" du.
Gurutzetako Unibertsitate Ospitaleko zuzendari medikoak eta mediku-zerbitzuen zuzendariordeak dimisioa eman dute
EITBk jakin ahal izan duenez, bi dimisioak medikuen grebaren eta lanuzteak eragiten ari diren presio asistentzialaren testuinguruan sartzen dira.
2027ko aurrekontuen ildo nagusiak onartu ditu Jaurlaritzak, hazkundea % 1,6koa izango dela aurreikusita
Nöel d'Anjou Ogasun eta Finantza sailburuak azaldu duenez, oinarrizko zerbitzu publikoak indartzea izango da lehentasuna; osasuna, hezkuntza, etxebizitza, segurtasuna eta gizarte zerbitzuak izango omen dira kontuen ardatzak.
Medikuen sindikatuek elkarretaratzea deitu dute ekainaren 15erako, Osasun Ministerioaren aurrean
Greba batzordea osatzen duten medikuen sei sindikatuek eutsi egingo diote ekainaren 15etik 19ra deitutako greba deialdiari. Halaber, Osasun Ministerioarekin behar den guztietan elkartzeko borondatea agertu dute, beti ere, negoziatzeko benetako borondatea badago eta mahai gainean proposamen zehatzak baldin badaude.
Talgok 6.300 milioi euroko eskaera-bolumena lortu du, inoizko handiena, eta ekoizpen-gaitasuna bikoiztu nahi du
Konpainiak iragarri du Euskadin ikerketa-unitate korporatibo bat sortuko duela, Zientzia, Teknologia eta Berrikuntzaren Euskal Sarean integratua.
Irango gatazka gogor jotzen ari da eraikuntza eta metalgintza ez beste industria sektoreak
Adegik aurkeztutako txostenaren arabera, eragina bereziki handia da eraikuntzan: sektoreko enpresen % 78k adierazi dute gatazkak eragin handia edo oso handia izan duela haien jardueran.
Gizarte Segurantzako afiliazioak beste mugarri bat ezarri du Hego Euskal Herrian: 1.042.680 afiliatu, EAEn; eta 322.358, Nafarroan
Bestalde, langabeziak apur bat behera egin du EAEn eta Nafarroan, apirilarekin eta iazko maiatzarekin alderatuta. Nafarroaren kasuan, 2008tik maiatzean izandako daturik onena da.
Medikuen sindikatuek ekainaren 15etik 19rako lanuzteari eutsi diote
Goizean bildu dira Osasun Ministerioko arduradunekin, baina ez dute akordioa ixtea lortu. Sindikatuek gaitzetsi egin dute Monica Garciak zuzentzen duen ministerioak ez duela akordiorako borondaterik.
Konkurtso-administratzaileak adierazi du Tubos Reunidos osorik salbatzen saiatuko dela, ez zatika
Era berean, enplegu-erregulazioko espedientea bertan behera utzi duela iragarri du, eta, horrela, Amurrioko lantegiko ia 900 langileak mantenduko ditu, baita udara arteko soldatak bermatu ere.