Labrazako parke eolikoak onura publikoaren izendapena jaso du
Iberdrolaren arabera, izapide horrek proiektuaren interes orokorra aitortzen du eta parke eolikoa gauzatzeko behar diren prozedurak azkartzea eragingo du. Aurretiazko administrazio baimenak eskuratu ostean, Aixeindar sozietateak dagoeneko eskatua dio obra lizentzia Oiongo Udalari.
Espainiako Aldizkari Ofizialak ostegun honetan argitaratutako ebazpen baten arabera, onura publikoaren izendapena aitortu diote Labrazako (Oion, Araba) parke eolikoari eta hari lotutako (energia garraiatzeko) ebakuazio azpiegiturari.
Iberdrolak ohar bidez jakinarazi duenez, izapide horrek proiektuaren interes orokorra aitortzen du eta parke eolikoa gauzatzeko behar diren prozedurak azkartzea eragingo du.
Aixeindarrek, Iberdrolak eta Energiaren Euskal Erakundeak sortutako sozietateak sustatutako ekimena da eta 200 metroko zortzi aerosorgailu instalatuko ditu (40 megawatt, guztira). Guztira, 49 milioi euroko inbertsioa egingo du.
Labrazako parke eolikoak urtean 99.679 megawatt-ordu ekoitziko ditu, 29.951 etxebizitza hornitzeko adina.
Aurretiazko administrazio baimen guztiak eskuratu ostean, Aixeindar sozietateak dagoeneko eskatua dio obra lizentzia Oiongo Udalari. Gauzak horrela, parke eolikoa errealitate bihurtzetik geroz eta gertuago dago.
Ekonomiari buruzko albiste gehiago
Renfek tren zerbitzua etengo du gaurtik aurrera Gipuzkoako zati batean, AHTaren lanengatik
Abuztuaren 3ra bitartean Andoain eta Irun arteko tren-zirkulazioa etengo da, abuztuaren 4tik irailaren 7ra bitartean, Hernani eta Irun arteko tartea da moztuko dena, eta, azkenik, irailaren 8tik 21era bitartean Pasaia eta Irun arteko zatian izango du eragina. Renfek 8.000 autobus baino gehiago programatuko ditu lanek irauten duten bitartean zerbitzua bermatzeko.
Sabadellek 975 milioiko irabaziak lortu ditu urteko lehen seihilekoan, iaz % 23 gehiago
BBVAk bankua erosteko operazioari buruz, Cesar Gonzalez-Bueno Sabadelleko kontseilari delegatuak adierazi du BBVAk bi aukera baino ez dituela hemendik aurrera: "eskaintza hobetzea edo atzera egitea".
EBZk % 2an mantendu ditu interes-tasak, aurreikuspenak beteta
Christine Lagardek ohartarazi du merkataritza-tentsioek eta horiei lotutako ziurgabetasunek euroguneko jarduerari dakarkion arriskuaz, eta horiek azkar konpontzeak eurogunerako pizgarri izan daitekeela ziurtatu du.
Estatuak 75 milioi bideratuko ditu Talgon, eta % 7,8ko partaidetzarekin egingo da, SEPIren bitartez
Kapitala indartzeak bidea erraztuko du Jainaga buru duen konpainiak Talgoren % 29,77 eskuratzeko. Hala, Sidenor izango litzateke akziodun nagusia.
Mikel Irujo, Nafarroako Industria kontseilaria: "BSHrekiko interesa erakutsi duten sei enpresa daude"
Euskadi Irratian egindako elkarrizketa batean, Mikel Irujo Industria kontseilariak baieztatu du BSH enpresaren egoera aztertu nahi duten sei enpresa daudela. Halaber, ziurtatu du informazio guztia langileen batzordeari helaraziko zaiola.
Langabezia-tasa % 7,13ra jaitsi da EAEn eta % 7,88ra igo da Nafarroan, bigarren hiruhilekoan
Biztanleria Aktiboaren Inkestaren arabera, guztira 76.400 pertsona daude lanik gabe EAEn, eta 27.200, Nafarroan.
Repsolek 603 milioi irabazi ditu ekainera arte, %63 gutxiago, testuinguru ekonomikoa eta itzalaldia tarteko
Joan den apirilaren 28ko itzalaldiarekin lotutako erantzukizunak ofizialki zehazten direnean legezko ekintzak abiaraztea ebaluatzen du konpainiak.
Hauek dira CAFen datuak: 22.000 langile mundu osoan
2024an 103 milioi euroko irabaziak izan zituen, eta eskaera-zorroa 14.695 milioi eurokoa zen. Gaur egun, Marokon, Suedian eta Erresuma Batuan ditu proiektu nagusiak.
Euskadi eta Nafarroa lan-kostu altueneko erkidegoetan bigarren eta hirugarren dira
Lan-kostuen aldakuntzari dagokionez, 2023aren aldean, hazkunderik handienak Extremaduran, Murtzian eta Galizian izan ziren; Euskadin, Andaluzian eta Kanarietan, aldiz, igoera txikiagoa izan zen. Enpresek lan-kostu garestienak dituzten bigarren autonomia Euskadi bada ere, gutxien aldatu dena da