Gasteizko lorezainak berriro bilduko dira enpresarekin, gatazka desblokeatzeko beste saiakera batean
Azken orduko mugimendua ELA sindikatuak eskatuta egingo da. Atzo, sindikatuak proposamen berri bat aurkeztu zien oinarriei, eta bozketan ontzat eman zuten. Abuztuko oporraldiaren aurretik bideratu nahi dute egoera.
Gasteizko lorezainek greba mugagabea hasi zutela lau hilabete igaro direnean, lan-gatazka bideratzeko beste ahalegin bat egingo da gaur. Langileen ordezkariak eta Enviser enpresaren arduradunak berriro bilduko dira 11:00etan, Precoren (lan-gatazkak konpontzeko Lan Harremanen Kontseiluaren zerbitzua) egoitzan, ELA sindikatuak eskatuta.
Atzo arratsaldean, ELAk afiliatuak deitu zituen, proposamen berri bat aurkeztu eta bozkatzeko. Boto bakarraren aldearekin bada ere, proposamenaren alde egin zuten langileek. Oraingoz ez dute atzo bozkatutako proposamenaren edukia zabaldu.
Agertoki horrekin, eta abuztuko oporraldiaren aurretik korapiloa askatzeko asmoz, berriro elkartuko dira sindikatuak eta Enviserren ordezkariak.
ELAk gehiengoa du langileen batzordean. Gaurko bilerara LABen eta ESKren kideak ere joatekoak dira.
Jaurlaritzarekin, kritiko
Uztailaren 26an, lau hilabete bete ziren Gasteizko lorezaintzako langileek, Enviser enpresak azpikontratatuta, lan-hitzarmen propioa izatea eskatzeko greba mugagabea hasi zutenetik. Martxoaren 26an hasi zen protesta, ELA, ESK eta LAB sindikatuek deituta, baina azken asteetan ez da aurrerapen nabarmenik izan.
Duela hiru astetik hona ez da harreman zuzenik izan langileen batzordearen eta Enviserren artean, nahiz eta langileek elkarrizketari berrekiteko ahaleginak egin, egin dituzten. ELA sindikatuak nagusiki kritikatu du Eusko Jaurlaritzaren zeregina, gatazkan bitartekaritza eraginkorrik ez egitea leporatu baitio.
Eztabaidaren muina kolektiboaren soldata-maila baxua da; langileen ordainsariak lanbidearteko gutxieneko soldatatik oso gertu daude. Sindikatuek Enviserri egotzi diote ardura nagusia, eta, era berean, azpimarratu dute Gasteizko Udalak erantzukizuna duela, eta irtenbidea bilatu beharko lukeela, hark kontratatu baitzuen enpresa hori parkeak eta lorategiak zaintzeko.
Grebaren aurrean, Eusko Jaurlaritzak "aparteko" gutxieneko zerbitzuak ezarri zituen, Udalak eskatu ondoren. Ekonomia, Lan eta Enplegu Sailaren arabera, helburua herritarren segurtasuna bermatzea da, sute-arriskuez eta trafikoan ikuspen-arazoez ohartarazten omen duten txosten tekniko batzuetan oinarrituta.
Hala ere, langileek neurri hori errefusatu dute, eta azpimarratu dute beren jarduera ezin dela funtsezkotzat jo. Horrenbestez, grebarekiko konpromisoa berretsi dute, benetan aurrera egitea lortu arte.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.