Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
Parke eolikoen inguruko mugimendu berri bat izan da azken orduan; izan ere, Jaurlaritzak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak eta atzera bota du proiektua.
Ingurumen inpaktuari buruzko txosten negatiboa jasota, ez da bideragarria proiektua. Eusko Jaurlaritzako Industria, Transizio Energetiko eta Jasangarritasun sailak ebatzi duenez, aerosorgailuak jarri nahi dituzten eremuek "ingurumen sentiberatasuna" dute, hegaztien ugalketarako funtsezko gunea baita, eta ustiapen eolikorako gaitasun gutxi du.
Aramaio eta Eskoriatza arteko Itsarazekoarekin batera, hori zen enpresa norbegiarrak Gipuzkoarako aurkeztutako proiektu haundia. Debagoienako bota zuten atzera aurrena, eta, orain, Urolakoa.
Udalek "ontzat" eman dute ebazpena
Statkraftek asmoek hasieratik eragin zuten polemika., eta hiru Udalak, Azpeitikoa, Zestoakoa eta Errezilgoa zpiegituraren kontra agertu dira, eta hirurek aurkeztu zituzten proiektuaren kontrako alegazioak.
Erabakia jakin ondotik, Azpeitiko, Zestoako eta Errezilgo udalek ohar bateratua kaleratu dute, eta ontzat eman dute ebazpena.
Azaldu dute hasieratik aldarrikatu dutela energia proiektu guztiek hiru baldintza betetzeko beharra: ingurumen babeserako bermeak eta ekosistemen zaintza; administrazio publikoaren kontrola eta herritarren parte hartzea, horrela jabetza publiko-komunitarioaren aukera bermatuz; eta sortutako energia tokiko energia kontsumoa asetzera bideratzea, lurraldearen auto hornikuntza eta onura soziala sustatzeko.
Hala, nabarmendu du proiektuak ingurumenean eragingo lituzkeen kalteak aintzat hartuta, lehen baldintza ez dela betetzen.
Hasiera-hasieratik hautsak arrotu ditu Statkraften asmoek Urola erdialdean, eta protesta ugari izan dira proiektuaren aurka. Gainera, udalak proiektuaren nondik norakoak azaltzeko batzarra egin zuen Soreasu antzokian, eta ikusimin handia sortu zuen hitzordu hark.
Arabako bi eguzki-parke berrik Eusko Jaurlaritzaren baimena jaso dute
Gipuzkoan parke eolikoa eraikitzeari uko egin dion bitartean, Jaurlaritzak Oionen eta Amurrion (Araba) bi eguzki-parke ezartzeko baimenak eman ditu.
Azken herri horretan, 'Eguzki Abantaila 8' enpresak egingo du, eta guztira 3,2 megawatteko potentzia sortuko duen eta 6.692 modulu fotovoltaiko dituen planta bat eraikitzea da asmoa. Enpresak hamabost hilabeteko epea izango du eguzki-parkea eraikitzeko administrazio-baimena eskatzeko.
Gainera, Euskal Herriko Agintaritzaren Aldizkariak (EHAA) astearte honetan argitaratu du 'Bailen Energia' enpresari emandako ingurumen-baimena, 'Muga' eguzki-parkea instalatzeko. 1.680 modulu aurreikusi dituzte eremu horretan, eta megawatt bateko potentzia sortzea du helburu. Konpainiak hiru urteko epea du eguzki parke hau martxan jartzeko.
Albiste gehiago ekonomia
Statkraftek proiektatuta zegoen parke eolikoaren ingurumen-inpaktu adierazpen negatiboa kritikatu du
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.