Eusko Jaurlaritzak atariko administrazio-baimena eman dio Arabako Erriberabeitiko 'Beitia' planta fotovoltaikoari
Proiektuak 7.000 panel baino gehiago aurreikusten ditu 4 MW sortzeko.
Eusko Jaurlaritzak 'Beitia' instalazio fotovoltaikoa eraikitzeko atariko administrazio-baimena eman du. Erriberabeitin (Araba) kokatuko den azpiegiturak 7.020 panel izango ditu, sei zatitan banatuta, 4 MW sortzeko.
Euskal Herriko Agintaritzaren Aldizkariak (EHAA) astelehen honetan argitaratu du Industria, Trantsizio Energetiko eta Jasangarritasun Sailaren ebazpena, Mirador Norte FV S.L. enpresak sustatutako 'Beitia' proiektuari buruzkoa.
Era berean, proiektuak erdi-tentsioko (30 kV) lurpeko linea bat sortzea aurreikusten du, transformazio-zentrotik ebakuazio-puntuaren ondoan dagoen sekzionamendu-zentroraino. Linea horrek 1.632 metroko luzera izango du, eta oso-osorik Erriberabeitiko udal-barrutian igaroko da.
Aldez aurreko administrazio-baimena ontzat eman arren, Eusko Jaurlaritzak zenbait baldintza ezarri ditu, proiektua garatzeko ardura duen konpainiak hartu beharko dituenak; besteak beste, ingurumen-neurriak . Baldintza horiek "Arabako Lurralde Ordezkaritzaren aurrean egiaztatu beharko ditu, gehienez ere sei hilabeteko epean".
Ildo horretan, paisaia babesteko eta eragindako azalerak lehengoratzeko hainbat neurri nabarmentzen dira, bai eta natura-ingurunea babestekoak ere, besteak beste. Baia ibaiaren bidegurutzean erriberako landare-formazioei kalterik ez egitea bermatzea ere eskatzen zaio, "ibaiertzeko ibai-eremuen kalitatea eta kontserbazio-egoera zaintzeko".
Bestalde, Ekienea instalazio fotovoltaikoaren ebakuazio-linearen eremuarekiko arauzko distantziak betetzeko irtenbide tekniko bat aurkeztu beharko du. Ekienearen proiektua Espainiako Trantsizio Ekologikoko eta Erronka Demografikoko Ministerioa izapidetzen ari da, eta Erriberabeititik gertu kokatuko da.
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.