KPIa hamarren bat hazi da Euskadin, % 2,8raino, eta bi hamarren jaitsi Nafarroan, % 2,5eraino
Urte arteko tasan, ordea, bi hamarren jaitsi da prezioen indize orokorra Euskadin abuztuan.
Supermerkatu batean hartutako irudia
KPIa hamarren bat hazi da abuztuan Euskadin uztaileko datuekin alderatuta, % 2,8raino. Aisiak eta kulturak izandako % 1,7ko igoerak eragin du horretan, batez ere, elikagaien prezioak jaitsi badira ere (–% 0,7).
Urte arteko tasan, ordea, bi hamarren jaitsi da prezioen indize orokorra abuztuan.
Espainiako Estatistika Institutu Nazionalak (INE) ostiral honetan argitaratutako datuen arabera, KPIa ez da aldatu Araban eta Bizkaian, eta hamarren bat igo da Gipuzkoan.
Aurreko hilabeteko datuekin erkatuta, prezioak sektore hauetan igo dira: garraioan (% 0,1), komunikazioetan (% 0,1), aisian eta kulturan (% 1,7) eta hotel, kafetegi eta jatetxeetan (% 0,5).
Kontrara, jaitsi egin dira elikagaietan eta alkoholik gabeko edarietan (–% 0,7), edari alkoholdunetan eta tabakoan (–% 0,5), eta jantzietan eta oinetakoetan (–% 1).
Etxebizitzan ere % 0,1 egin du behera, bai eta etxeko tresnetan ere; botiketan, berriz, % 0,2 egin du behera.
Nafarroan, KPIa % 2,5ean kokatu da abuztuan, aurreko hilean baino bi hamarren beherago. Urteko tasaren bilakaera horretan eragin handiena izan duten taldeak honako hauek izan dira: etxebizitza (–% 4,7), elikagaiak eta alkoholik gabeko edariak (–% 2,4), jantziak eta oinetakoak (sei hamarren jaitsi da aurreko hilaren aldean eta –% 0,7an kokatu da).
Bestalde, urteko tasaren bilakaera horretan, sektore hauetan igo dira prezioak: garraioa (% 1), edari alkoholdunak eta tabakoa (% 5,9) eta komunikazioak (% 0,3).
Abuztuko KPIaren urteko aldakuntza-tasa % 2,5ekoa izan da Nafarroan, uztailean baino bi hamarren txikiagoa.
Espainiako Estatuan, kontsumorako prezioen indizea (KPI) % 2,7an gelditu zen abuztuan, aurreko hileko maila berean; elikagaien inflazioa, berriz, lau hamarren moteldu zen, % 2,3raino, fruta gehiago merkatu zelako.
Zure interesekoa izan daiteke
Garraio publikorako deskontuak 2026ko otsailaren 20ra arte mantentzea aurreikusi du Bizkaiko Aldundiak
Ahaldun nagusiak iragarri du hobaria zabaltzeko izapideak hasiko dituela, eta Espainiako Gobernuari datorren urterako dituen asmoak argitzeko eskatu dio.
EHUko errektoreak adierazi du Jaurlaritzak aurkeztutako aurrekontu-proiektuak Unibertsitatea paralisira eramango duela
Sailak % 6,3 handitu du unibertsitate publikorako diru-partida (19 milioi euro). Errektorearen arabera, zenbateko horrek urtea galerarik gabe ixteko baino ez du balioko. Joxerramon Bengoetxeak aurrekontuen proiektua berrikusteko eskatu dio Eusko Jaurlaritzari.
Garrido: "Aurrekontu kontinuistak izango dira, eta politikak ez badira aldatzen, emaitzak berdinak izango dira"
Laura Garrido PPk Eusko Legebiltzarrean duen bozeramaileak azaldu duenez, astearte honetan onartu den 2026rako aurrekontu proiektua "kontinuista" izango da, eta "ez da eraginkorra" izango.
Tolosako Asuncion klinikako langileek subrogazioa eskatu dute "% 100 publikoa" izango den ospitalean
Osasun sailburuari eskatu diote Onkologikoan erabili duten ereduari jarraitzeko eta klinikako 350 langileak subrogatzeko. Azaroaren 22an manifestazioa egingo dute Tolosan.
Eusko Jaurlaritzak Talgo operazioaren alde egiten jarraitzen du, Jainagaren gaineko ikerketa gorabehera
Sidenorrek Talgoren akzioen zati bat erosteko prozesuaren alde egiten jarraitzen du Eusko Jaurlaritzak, nahiz eta Auzitegi Nazionalak Jose Antonio Jainaga presidentearen gaineko ikerketa abiatu, "bi gauza ezberdin" direlako.
Asensio: "Itsaraz parke eolikoaren proiektuak ez zituen beharrezko ingurumen-baldintzak betetzen"
Norvegiako Statkraft enpresak Aramaion eta Eskoriatzan eraikitzeko asmoa zuen proiektua baztertzeko Espainiako Gobernuak hartutako behin betiko erabakia "bat dator" Eusko Jaurlaritzaren irizpidearekin, Gipuzkoako ahaldun nagusiorde eta Jasangarritasun diputatuaren esanetan.
Nöel d'Anjou: "Aurrekontu hauek eraldaketarako, babeserako eta aurrera egiteko tresna dira"
Ogasun eta Finantza sailburuak adierazi du gaur aurkeztu duen aurrekontu proiektuak hiru objektibori erantzuten diela: zerbitzu publikoak sendotzea eta kontsolidatzea, herritarren kezkei erantzuna ematea eta etorkizuneko eraldaketeta eta erronkei aurre egiteko prestatzea.
-5?fmt=webp-alpha&qlt=80)
Eusko Jaurlaritzak 16.378 milioiko aurrekontu-proiektua onartu du 2026rako, eta Etxebizitzara eta zerbitzu publikoetara gehiago bideratuko du
Proiektuak % 4,1 handitu du gastu arrunta eta Osasuna, Hezkuntza, Etxebizitza eta Segurtasun arloak indartu ditu, Euskadi Eraldatuz 2030 eraldaketa-planerako 935 milioi gehitzeaz gain. Jaurlaritzak 1.801 milioi bideratu ditu gazteentzat eta familientzat, eta 1.730 milioira igo du inbertsio publiko propioa.
Iberdrolak 5.307 milioi euro irabazi ditu irailera arte, iaz baino % 3 gutxiago aurretiko gainbalioagatik
Urteko lehen bederatzi hilabeteetan % 4 handitu ditu inbertsioak, 8.964 milioi euroraino. Horietatik % 60 baino gehiago Erresuma Batuan eta AEBn egin dira eta horien % 55 sareen negoziora bideratu dira. Iberdrolak gutxienez 0,25 euroko dibidendu "errekorra" proposatuko du akzioko, 2024ko lehen bederatzi hilabeteetan baino % 8,2 gehiago, alegia.
Amazonek 30.000 langile kaleratuko ditu astearte honetatik aurrera
Negozio-lerro guztietan izango du eragina erabakiak. Azken hiru urteetan multinazionalak 27.000 lanpostu inguru suntsitu ditu, modu progresiboan.